1 Pita 4:10 - EBƆRƐ BE KAWƆL

¹⁰ Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.

1 Pita 4:10 ပူးပေါင်းရင်းမြစ်များ

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Matiu 24:21

Ŋkpal manɛ so, kachɛ na be tɔrɔ beeŋ ba kaa chɔ tɔrɔ kama nɛ k ba basa so, yili durnya be sososo na kikɛ m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Matiu 25:44

Nɛ bumo alɛ e bishi ma le: ‘Enyɛnpe, saŋɛ mo nɛ an wu akoŋ ka kɔ fo ŋko achukoŋ ka kɔ fo ŋko saŋɛ mo nɛ an wu fo ka la efɔ ŋko saŋɛ mo nɛ fo maŋ kɔ asɔbuuso ŋko saŋɛ mo nɛ fee lɔ ŋko saŋɛ mo nɛ fo wɔ kabuti to nɛ an maŋ chɛ fo to?’

Maak 10:45

Ŋkpal manɛ so, ma, Nyiŋgbasa Pibinyɛn gba maŋ ba nna nɛ b shuŋ ma. M ba nna nɛ m ba shuŋ n ta ma ŋkpa n sɔ basa damta n yige.”

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 19:13

E ka daa shin nɛ e yɔ nɛ e tre mbe anya kudu ko n ta pɔŋ kudu m bɔɔ bumo enɔ nseŋ kaŋɛ bumo le: ‘Men baa kɔ amansherbi ere to a ji yawu hale nɛ n naŋ ya bɛta m ba.’

Luuk 8:3

Beche na be eko e daa la Joana, Kuza nɛ e daa keni Hɛrɔd be kowu so be eche na nɛ Suzana, n ta beche damta ko nɛ b daa ta bumo gbagba be asɔ a chɛ Yesu nɛ mbe bebɛsopo to na.

Romebi 15:25

Naniere bre, ma aya kraa wɔ Jerusalɛm be ekpa to nna ŋkpal Ebɔrɛ be basa nɛ b wɔ ndoŋ so.

Romebi 15:27

Bumo gbagba e yili kumo loŋ n wora. Kumo alɛ kashenteŋto bre, a daga b ka chɛ loŋ be betirpo na to, ŋkpal manɛ so, kananɛ nnyamase baŋ bɔla Juwebi so n nya abɔrɛsheŋ be nɛfa na koŋwule na a daga fanɛ nnyamase gba ka ta bumo be durnya ere to be asɔ be ako a chɛ Juwebi to.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 3:10

Ebɔrɛ be kuwɔr be kakɛ mo nɛ e sa ma na e shin nɛ n tiŋ n nase ebu na be gbaltɔlase na fanɛ epɔrpo nyipo na n sa basa nɛ baa pɔr a yili so. Ama a daga fanɛ ekama e baa de kananɛ e bee pɔr kumo so.

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

2 Kɔrintebi 9:1

Kashenteŋto, naniere a maŋ naŋ daga ŋ ka naŋ sibɛ menyi ŋ kaŋɛ kechɛ Ebɔrɛ be basa to be kushuŋ ere be asheŋ.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Ɛfesesebi 4:11

Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

2 Timoti 1:18

Enyɛnpe e shin nɛ e nya kuwɔr ashi mo kutɔ kachɛ na. Fo alɛ gba nyi asɔ damta nɛ e wora n sa ma ashi Ɛfeses.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.