1 Pita 3:8 - EBƆRƐ BE KAWƆL

⁸ Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 3:8 ပူးပေါင်းရင်းမြစ်များ

Nshɛ 103:13

Kananɛ bekurgepo bee sha bumo be mbia ga na, aloŋ nɛ Enyɛnpe Ebɔrɛ gba bee sha bekama nɛ baa bunyaŋ mo na ga.

Aŋasa 28:8

Esa kama nɛ e bee wɔtɔ basa nɛ b paŋ mo amansherbi nchu ga, be kapetɛ beeŋ yɔ esa nɛ e bee wu betirpo kuwɔr kutɔ.

Zakareya 7:9

E yɛ: “Dra dra na kikɛ nɛ n ta atande ere n sa ma basa ŋ kaŋɛ bumo le: ‘Men baa wora asheŋ nɛ amo be ekpa so, men baa la basa nsaa wora kelela nsaa wu abar kuwɔr.

Matiu 18:33

Amoso, a daa maŋ daga fo alɛ gba ka wu fo barkasa kayɛrbi kuwɔr fanɛ kananɛ n wu fo kuwɔr na a?’

Luuk 10:33

Ndoŋ nna nɛ Samɛria be kanyɛn ko malɛ wɔ mbe enite to m ba tu kanyɛn na m ba wu mo nɛ kuwɔr pɛ mo ga.

Ashuŋ Shunso 2:1

Kachɛgboŋ nɛ baa tre Pɛntekɔst na ka fo nɛ beyirdapoana na kikɛ shɛr kakpa koŋwule.

Ashuŋ Shunso 27:3

Kumo be ŋklade nɛ an fo Saidɔn. Ndoŋ nɛ Julias wora Pɔɔl kelela n shin nɛ e lar n ya chɔrɔ mo teriana nɛ b sa mo asɔ nɛ a daga fanɛ e nya.

Ashuŋ Shunso 28:7

Kakpa nɛ kesheŋ ere daŋ wora Pɔɔl na nɛ kepla na so wura be adɔsawuleana so daa maŋ wɔ kufɔ. Ewura na be ketre e daa la Pablias. E daŋ sɔ anyi kasawule na so nseŋ keta anyi kufɔ nɛnɛ ga nchɛ nsa.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

Romebi 15:5

Ebɔrɛ nɛ e bee sa anyi kanyiti nsaa leŋ anyi to na e shin nɛ men nya kagbene koŋwuleso be kebaawɔtɔ a wɔ abar so a bɛ Kristo Yesu so.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Hibruwebi 13:1

Men ba kraa wɔtɔ a sha abar fanɛ keniopibiana ashi Kristo to.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

2 Pita 1:7

Kabɔrɛŋana malɛ be kaman men ta keniopibi be kasha n ti so nseŋ ta kasha gbagba malɛ n ti keniopibi be kasha so.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.