1 Pita 3:4 - EBƆRƐ BE KAWƆL

⁴ A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Pita 3:4 ပူးပေါင်းရင်းမြစ်များ

Nshɛ 131:2

Ama ŋ koya keshin nɛ kayurwushi be kebaawɔtɔ e kukwe ma. Kananɛ kebia popɔrbi bee dese mo nio be enɔ to boeŋ na, nɛ ma kagbene gba dese ma to.

Nshɛ 147:6

Enyɛnpe Ebɔrɛ na e naa chɛ bebɔlpo to, nsaa bar kumukpakpasowuraana kaseto.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 25:9

Nsaa ŋini basa nɛ b kɔ kamubrase malɛ mbe ekpa niŋiso nɛ kusɔ nɛ k daga na.

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Jɛremaya 51:59

Ewura Zedekaya ka ji Juda be efuli so be kuwura be kafɛ nasopo to nɛ e yɔ Babilɔn be efuli so. Seraiya nɛ e la Neriya pibinyɛn nɛ Maaseia mo nanabi na daŋ shuŋi mo nna n yɔ. Seraiya ere daa la ewura Zedekaya be enimu nɛ e bee fin edesekpa nna a sa mo ashi mbe enite to.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 21:5

“Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Matiu 23:26

Farisi tanpo ere, baa juŋkpar a fɔr nwiebi na nɛ mba na be epunana to pɔɛŋ nɛ amo be mmanto e nyalɛ so.

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Luuk 11:40

Bewulpo ere, mannɛ esa nɛ e wora kamanto na gbagba e wora epun to na gba a?

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Romebi 1:23

B ka beeŋ baa bunyaŋ Ebɔrɛ nɛ e wɔ ŋkpa to saŋkama na, b wɔtɔ nna a bunyaŋ asɔ nɛ enyiŋgbasa wora nna nɛ amo be ako duli basa nɛ ako duli mbuibi, ako malɛ duli asɔbɔya nɛ ade malɛ duli asɔ gbeyeso.

Romebi 2:29

Kashenteŋto, dimɛdi be kebaawɔtɔ to e naa ŋini e ka la Juw nɛ kashenteŋ malɛ be keku na la kagbene to be kesheŋ, Ebɔrɛ be asheŋ nna, mannɛ kenishiso be asheŋ nna. Nɛ esa nɛ e ku loŋ na malɛ be kechɔrɔ bee shi Ebɔrɛ kutɔ nna, mannɛ nyiŋgbasa kutɔ.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

Romebi 7:22

Ma kagbene bre gbagba bee sha Ebɔrɛ be mbra na.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

Galeeshaebi 5:23

nɛ kebaa bar kumu kaseto nɛ kamootiŋ. Mbra na maa pɛ basa nɛ b wɔ le be asheŋ ere to.

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.

2 Tɛsalɔnikaebi 3:12

Anyee kaŋɛ nsaa fiɛ le be basa so Enyɛnpe Yesu Kristo be ketre to fanɛ b ta bumo be amu boeŋ a wora bumo be ashuŋ a bela bumo gbagba be amu.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”