1 Pita 3:3 - EBƆRƐ BE KAWƆL

³ Men sa maŋ shin nɛ men be kebita e baa shi eyur so be kelɔŋɛ fanɛ amu be kekre ŋko eshuwa be abitasɔ be kewɔtɔ nɛ asɔbuuso lela be kebaabuu to.

1 Pita 3:3 ပူးပေါင်းရင်းမြစ်များ

Jɛnesis 24:22

Enyɔma na kikɛ ka nuu n loge nɛ kanyɛn na lara kamuna so be shuwa be kepinibi nɛ shuwa be enɔ to be mpinibi anyɔ n sa Rebɛka.

Jɛnesis 24:47

Kumo be kaman nɛ m bishi mo fanɛ wanɛ pibiche e la mo. Nɛ e yɛ, mo tuto e la Bɛtuwɛl nɛ e la Nahɔɔ nɛ Milka pibinyɛn na. E ka kaŋɛ ma loŋ na nɛ n ta kamuna so be kepinibi n wɔtɔ mbe kamuna to nseŋ ta enɔ to be mpinibi na malɛ n wɔtɔ mbe enɔ to.

Jɛnesis 24:53

Kumo be kaman nɛ e lara shuwa nɛ gbiti be abitasɔ nɛ asɔbuusoana ko n sa Rebɛka nseŋ naŋ sa Rebɛka mo da Leeban nɛ mo nio gba yawu kpakpaso be ŋkɛ.

2 Bewura 9:30

Jehu ka yɔ Jizreel nɛ Jɛzebel nu mbe asheŋ, nseŋ ya ŋe kile nseŋ mɔ mbe emin to nɛnɛ nsaa jule a keni tokuro to ashi ewura na be laŋ to.

Ɛsta 5:1

Ekishi na be kachɛ sasopo nɛ Ɛsta ta mbe kuwurche be kale m buu nseŋ ya yili ewura na be lambubi na be kabuna to. Ewura na malɛ daa tase mbe kuwurputi so nna lambu na to a keni kabuna to.

Nshɛ 45:9

Bewura be mbichesobi e wɔ fo lambu to, nɛ eche nɛ fee shin nɛ fo ta na wɔtɔ shuwa be abitasɔ a yil fo kuwurputi be jisoso.

Ɛksodɔs 3:22

Amoso Israɛl be eche kama beeŋ ya kule mbe bechenashapoana nɛ b la Ijipt be beche na asɔbuuso nɛ shuwa nɛ gbiti be abitasɔ lelaana. Nɛ menyi Israɛlebi na e ta loŋ be asɔana na n wɔtɔ men be mbinyɛnso nɛ men be mbicheso, saŋɛ na so, menyeeŋ nya Ijiptebi be asɔ n yɔ.”

Ɛksodɔs 32:2

Ndoŋ nna nɛ Ɛɛrɔn kaŋɛ bumo: “Men lara n lara shuwa be abitasɔ nɛ men be beche nɛ mbia kikɛ wɔtɔ na m bar ma.”

Ɛksodɔs 33:4

Basa na ka nu loŋ be baru lubi na nɛ b fara a shu keeli nsaa lara bumo be shuwa be abitasɔ nɛ b daŋ wɔtɔ na a lɛ.

Ɛksodɔs 35:22

Beche nɛ benyɛn kikɛ, daŋ bar shuwa be akonde nɛ mpinibi nɛ abɔtoshembi nɛ abitasɔ be yiri yiri kikɛ nna m ba sa Enyɛnpe Ebɔrɛ na.

Ɛksodɔs 38:8

B daŋ ŋalga beche nɛ baa shuŋ Enyɛnpe be wajɛbu na be kabuna to be danyaŋ be edigi nna n lɔŋɛ katishaŋgboŋ na nɛ kumo be ketɔl.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Ezikɛl 23:40

Ade malɛ kikɛ be kaman nɛ b shuŋi mbɔ n tre benyɛn nɛ b shi kufɔ kufɔ m ba. Nɛ benyɛn na ka ba, nɛ beche anyɔ ere bɛr nchu nseŋ ŋ ŋe ekele nseŋ ta abitasɔ m mɛa to.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

1 Pita 3:2

Ŋkpal manɛ so, baaŋ wu kananɛ men du cheembi nɛ kananɛ men be kabɔrɛŋana be kebaawɔtɔ du.