1 Pita 3:21 - EBƆRƐ BE KAWƆL

²¹ Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Pita 3:21 ပူးပေါင်းရင်းမြစ်များ

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Baru lela nɛ Jɔn kute na 13:9

Nɛ Saimɔn Pita kaŋɛ mo: “Kumo ere, Enyɛnpe, sa maŋ fɔr ma aya so nawule, fɔr ma enɔana nɛ ma kumu so gba n ti so.”

Ashuŋ Shunso 16:33

Jemanɛ na malɛ kikɛ so nɛ kabutikenipo na fɔr bumo be achuuana na nɛ b bɛr mo nɛ mbe laŋ to ebi kabɔrɛbɛr epul na to.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]

Romebi 5:14

Ama baŋ yili Adam be jemanɛ na m ba fo Mosis be jemanɛ to be basa kikɛ, luwu pɔɔ ekama so, hale bumo nɛ b maŋ wora n da Ebɔrɛ be kɔnɔ so geeŋ fanɛ kananɛ Adam daŋ wora na gba. Adam e daa la esa nɛ e daa ba na be kaduli.

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

1 Kɔrintebi 4:6

Ŋ kurgepoana, m malga asheŋ ere nna n ta ma nɛ Apɔlɔs be asheŋ m ber ŋkpal men be kechɛto so. N wora loŋ nna nɛ men pin kusɔ nɛ basa bee kaŋɛ fanɛ: “Sa maŋ kaŋ wora asheŋ m baŋ kusɔ nɛ b sibɛ n nase na so.” Men be ekama e sa maŋ kaa puchi esa ko so nsaa kishi eko.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 3:27

Ŋkpal manɛ so, b daŋ bɛr menyi kabɔrɛbɛr nna nɛ men baa wɔ Kristo Yesu to n shin nɛ naniere men ta Kristo be edasheŋ ŋ ki menyeya na.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

1 Timoti 6:12

Pere kenishi a kɔ yirda to be kolu lela na. Baa kɔ ŋkpa nɛ k maŋ kɔ ekar nɛ b tre fo n wɔtɔ kumo to saŋɛ nɛ fo yili basa damta to n ji fo shɛda na to.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 11:19

Eebraham daa nyi Ebɔrɛ ka kɔ eleŋ nɛ e tiŋ n tiŋi bubuni ashi luwu to, kumo ere anyeeŋ tiŋ ŋ kaŋɛ fanɛ Aizek daŋ wu nna nseŋ naŋ ba Eebraham be enɔ to.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.