1 Pita 3:20 - EBƆRƐ BE KAWƆL

²⁰ Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

1 Pita 3:20 ပူးပေါင်းရင်းမြစ်များ

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 6:8

Ama Nowa bre be asheŋ daŋ bɔlɔ Ebɔrɛ kenishi ga.

Jɛnesis 7:13

Kachɛ nɛ bɔrɛ na fara a ba na gbagba nɛ Nowa nɛ mbe eche nɛ bibinyɛn nɛ baa tre Shɛm nɛ Ham nɛ Jafɛf na nɛ bumo be beche luri kuloŋgboŋ na to.

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

Jɛnesis 8:18

Ebɔrɛ ka kaŋɛ loŋ na nɛ Nowa nɛ mbe eche nɛ mbe bibinyɛn na nɛ bumo be beche na lar kuloŋgboŋ na to.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Matiu 7:14

Ama ekpa nɛ k bee yɔ ŋkpa to na maŋ kpalga to nɛ kumo be kabuna malɛ maŋ shi. Basa nɛ baa nya kumo a nite to na malɛ maŋ shi.

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Romebi 9:22

To, loŋ koŋwule na nɛ Ebɔrɛ wora. Mbe demuso be agbo nɛ mbe eleŋ nɛ e daa sha kelara ŋ ŋini basa. Ama e daŋ ji basa nɛ mbe demuso be agbo daa wɔ bumo so nɛ b daga kasogberge na kanyiti.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 1:9

Ŋkpal manɛ so, men be ayoyu be kumɔlga nɛ k la men be yirda ere be tɔnɔ na nɛ menyee nya.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Pita 3:19

Saŋko Kiyoyu na ka ba bɔla mo to na nɛ e daŋ ya bɔ baru lela na n sa bubuni be ayoyu mo nɛ a wɔ kabuti to na.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?

2 Pita 3:15

Men baa nyi men be ŋgbene to fanɛ Enyɛnpe be kanyiti e la kumɔlga fanɛ kananɛ Ebɔrɛ daŋ sa an niopibi Pɔɔl kanyiasheŋ nɛ e sibɛ menyi na.