1 Pita 3:19 - EBƆRƐ BE KAWƆL

¹⁹ Saŋko Kiyoyu na ka ba bɔla mo to na nɛ e daŋ ya bɔ baru lela na n sa bubuni be ayoyu mo nɛ a wɔ kabuti to na.

1 Pita 3:19 ပူးပေါင်းရင်းမြစ်များ

Nehemaya 9:30

Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Aizaaya 42:7

Fo e naaŋ shin nɛ etanpo be anishi e bugi; Feeŋ sɔ basa nɛ b wɔ tentembiri be kabuti to n yige.

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

1 Pita 4:6

To, amoso nɛ b daŋ bɔ baru lela na n sa basa nɛ b maŋ naa wɔ ŋkpa to naniere na, saŋɛ na so, dimɛdi be kaplɛa so, baaŋ ji bumo demu, ama Ebɔrɛ bre be kaplɛa so, baaŋ baa wɔ ŋkpa to ashi kiyoyu na to.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 20:7

Nfɛ kagboŋ na be kaman, baaŋ saŋɛ Setani ashi mbe kabuti to.