1 Pita 3:16 - EBƆRƐ BE KAWƆL

¹⁶ Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

1 Pita 3:16 ပူးပေါင်းရင်းမြစ်များ

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”

Romebi 9:1

Asɔ nɛ n wɔ Kristo to a kaŋɛ ere la kashenteŋ nna, m maa fule nna nɛ Kiyoyu Cheeŋ na malɛ bee ŋini ma ashi ma kagbene to fanɛ m maa fule nna.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

1 Timoti 1:19

Basa ko bre kplaŋ le be akɔsɔ ere so nseŋ foe yirda be ekpa na so cheche.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.

Taites 2:8

Shin nɛ kusɔ kama nɛ fee malga e baa kɔ kashenteŋ nɛ anishinyɔr e ji edoŋ kama nɛ e sa maŋ nya kulubi kikɛ m malga ŋ gbiti anyi.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.

1 Pita 2:19

Ŋkpal manɛ so, nɛ men baa ji kasogberge be ebesa mo nɛ k maŋ daga ŋkpal men ka bee fɛ Ebɔrɛ be asheŋ so, menyeeŋ nya nɛfa damta.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Pita 4:4

Naniere k bee chinchiŋ bumo nna, ŋkpal men ka maŋ naa tu bumo a wora loŋ be asheŋ jiga na so. Amoso nɛ baa tege menyi na.