1 Pita 3:13 - EBƆRƐ BE KAWƆL

¹³ Nɛ men baŋ pere kenishi a sha kelela be kebaawora, wanɛ e naaŋ tiŋ n tɔrɔ menyi?

1 Pita 3:13 ပူးပေါင်းရင်းမြစ်များ

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Aŋasa 12:21

Asheŋ lubi maa tiŋ a tu basa lela, ama belubiworapo bre maaŋ gelge tɔrɔ kikɛ.

Aŋasa 15:9

Enyɛnpe Ebɔrɛ kishi belubiworapo be asheŋ wora so ga, ama e bee sha basa nɛ baa wora asheŋ lela bre ga.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Jɛremaya 39:12

“Yɔ n ya fin Jɛremaya nsaa keni mo so nɛnɛ. Sa maŋ kaŋ tɔrɔ mo, ama baa wora kusɔ kama nɛ e bee sha a sa mo.”

Romebi 13:3

Ŋkpal manɛ so, basa nɛ baa wora kelela maa ŋana abane be bejuŋkparpo. Bumo nɛ baa wora alubi e naa ŋana bumo. Men maa sha fanɛ men baa ŋana abane be ejuŋkparpo kama ŋko? To, kumo ere, men baa wora asɔ nɛ a daga nɛ enimu na e baa sa menyi mbo.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 14:1

Amoso, men baa kɔ a fin kasha nseŋ ta menyi be ŋgbene kikɛ n fin ŋkɛ mo nɛ a shi Kiyoyu na kutɔ na, fɔnfɔŋ kewu abɔrɛsheŋ ŋ kaŋɛ be kakɛ na.

Ɛfesesebi 5:1

Ŋkpal men ka la Ebɔrɛ be mbia shaso so, men wora ania a du fanɛ mo gbagba.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.