1 Pita 3:1 - EBƆRƐ BE KAWƆL

¹ Beche, menyi alɛ gba e baa nu a sa men kulana, saŋɛ na so nɛ bumo be ekama maŋ yirda kamalga na, nɛ men maŋ malga n sa bumo gba, baaŋ wu men be kebaawɔtɔ nseŋ ba yirda.

1 Pita 3:1 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Aŋasa 18:19

Keyɔ eteri nɛ fo wora n da so kutɔ n ya fin kechɛto du kpakpa a chɔ kebure n luri kade nɛ b pɔr egbal ŋ kulti to.

Matiu 18:15

Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

Romebi 7:2

An ta fanɛ eche kilpo nɛ kakil be mbra na ŋ keni. Eche baŋ kil nɛ mo kul kraa wɔ ŋkpa to, mbra na bee kre mo nna a mata mo kul na loŋ hale n ya fo saŋɛ nɛ mo kul na beeŋ wu. Ama nɛ ekul na ba wu bre, kumo ere kakil be mbra maŋ naa kɔ mbe eleŋ.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 14:34

A daga fanɛ beche e baa lo bumo be nnɔ to ashi asɔriana to fanɛ kananɛ k du ashi Ebɔrɛ be basa larasoana na kikɛ be asɔriana na to na. B maŋ kɔ ekpa nɛ b malga, a daga fanɛ b baa bar bumo be amu kaseto fanɛ kananɛ abɔrɛsibɛ na bee kaŋɛ na.

1 Kɔrintebi 7:16

Eche kilpo mo nɛ e la eyirdapo, nuso nɛ feeŋ wora m pin fanɛ mannɛ fo so nɛ fo kul beeŋ bɔla n nya kumɔlga? Ŋko fo, ekul mo nɛ fo la eyirdapo ere, nuso nɛ feeŋ wora m pin fanɛ mannɛ fo so nɛ fo eche beeŋ bɔla n nya kumɔlga?

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Kɔlɔsiebi 3:18

Beche kilpo, men baa ta men be amu a sa men kulana kananɛ k daga ŋkpal men ka la Enyɛnpe na peya so.

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:2

Ŋkpal manɛ so, baaŋ wu kananɛ men du cheembi nɛ kananɛ men be kabɔrɛŋana be kebaawɔtɔ du.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?