1 Pita 2:8 - EBƆRƐ BE KAWƆL

⁸ Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

1 Pita 2:8 ပူးပေါင်းရင်းမြစ်များ

Job be kawɔl 23:14

Kusɔ nɛ e kre a laŋɛ ma kaplɛa so ashi mbe ŋkre damtaana to, kumo nɛ e beeŋ wora ma.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 57:14

Ade be kaman nɛ Enyɛnpe Ebɔrɛ naŋ kaŋɛ le: “Men lɔŋɛ ekpa nseŋ lara ajembu nɛ keyimu kikɛ kumo so n sa ma basa nɛ b bɔla kumo so m bɛta m ba ma kutɔ!

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Romebi 9:22

To, loŋ koŋwule na nɛ Ebɔrɛ wora. Mbe demuso be agbo nɛ mbe eleŋ nɛ e daa sha kelara ŋ ŋini basa. Ama e daŋ ji basa nɛ mbe demuso be agbo daa wɔ bumo so nɛ b daga kasogberge na kanyiti.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Galeeshaebi 5:11

Bekurgepoana, menyee tama fanɛ n daŋ kraa malga katutuku be kamalga nna, meeŋ baa nya tɔrɔ le a? Nɛ n daa wora loŋ nna, dafanɛ Kristo be kedibi largato be kubɔya na daa maaŋ naa fɛl basa.

1 Tɛsalɔnikaebi 5:9

Ebɔrɛ maŋ lara anyi nna nɛ e ta mbe agbo n lɛ anyi so, ama e lara anyi nna nɛ an baa nya kumɔlga ashi Enyɛnpe Yesu Kristo to.

1 Pita 2:6

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ le nna: “Men keni, kejembu nɛ n lara nɛ k la ma kenishi nɛ n ta n nase Zayɔn to na, k la kebonfu to be gbaltɔlasejembu nna nɛ esa kama malɛ nɛ e yirda mo maaŋ ji anishinyɔr kikɛ.”

1 Pita 2:7

Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.