1 Pita 2:7 - EBƆRƐ BE KAWƆL

⁷ Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

1 Pita 2:7 ပူးပေါင်းရင်းမြစ်များ

Aizaaya 28:5

Loŋ be kacha na, Enyɛnpetale Ebɔrɛ na beeŋ baa du fanɛ atoto be kuwurwuro lela n sa mbe basa nɛ baaŋ ji efute a wɔtɔ na; mannɛ fanɛ Samɛria nɛ k du fanɛ atoto nɛ a wɔl m bolo n chuge n tɔr na.

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 20:17

“Ebɔrɛ e baa pete anyi.” Nɛ Yesu keni bumo nseŋ bishi bumo le: “Mannɛ le nɛ abɔrɛsibɛ na bee kaŋɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na’ a?

Baru lela nɛ Jɔn kute na 4:42

Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”

Ashuŋ Shunso 26:19

“Amoso, Ewura Agripa, m maŋ kini kenu n sa bɔrɛdare nɛ k shi ebɔrɛso m ba ma kutɔ na.

Romebi 10:21

Le nɛ e kaŋɛ fanɛ Ebɔrɛ kaŋɛ Israɛlebi malɛ be asheŋ: “M bugi enɔ to nna saŋkikɛ nɛ n sɔ menyi, nɛ menyi be asoe maa nu asheŋ nɛ men wɔtɔ a ji ma eleŋ emɔrɔ na.”

Romebi 15:31

Men baa kule Ebɔrɛ fanɛ Judiya be efuli so be basa nɛ b maŋ kɔ yirda na maaŋ ya wora ma shɛŋ nseŋ naŋ kule mo fanɛ kushuŋ nɛ mee yɔ nɛ n ya shuŋ Jerusalɛm ere beeŋ par Ebɔrɛ be basa ndoŋ.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Kɔlɔsiebi 2:10

Ŋkpal menyi nɛ Yesu Kristo nɛ e la eleŋ be yiri kikɛ be enimu na ka ki kukoŋwule so, men kɔ ŋkpa kikɛ.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Pita 2:4

Men baa ba Enyɛnpe nɛ e bee sa ŋkpa na kutɔ. Mo e du fanɛ kejembu nɛ k kɔ ŋkpa nɛ basa keni jiga ŋ kini mo na, ama Ebɔrɛ bre kutɔ, e la mbe esa laraso nɛ mbe kenishi nna.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.