1 Pita 2:24 - EBƆRƐ BE KAWƆL

²⁴ Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 2:24 ပူးပေါင်းရင်းမြစ်များ

Jɛnesis 22:6

E ka malga loŋ na nɛ e ta ndibi nɛ e beeŋ ta n lara sarga na n sulɔ mo pibinyɛn Aizek nseŋ ta edɛ nɛ kasaŋɛbi ŋ keta. Bumo basa anyɔ na ka bee yɔ na nɛ

Nshɛ 147:3

Mo e naa ti kagbenejijawuraana kagbene nsaa chɛ bumo be alɔana.

Nshɛ 38:4

nɛ ma alubi wora ma so egbɛ hale a buri ma to.

Ɛksodɔs 28:38

A daga fanɛ Ɛɛrɔn e baa chɛ neemu na nɛ kasibɛ na e baa wɔ mbe kasɔto so saŋkama a ŋini fanɛ e ta Israɛlebi be alubi nɛ b wora saŋɛ nɛ baa lara sarga a sa ma na n deŋi mbe kumu so nɛ ma, Enyɛnpe Ebɔrɛ na e baa sɔ bumo be esarga na.

Aŋasa 20:30

Kenishipereso be kebri beeŋ tiŋ n lara esa ashi asheŋ lubi to.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Levitikɔs 16:22

Esa na kaŋ ya fo kiyi na to nɛ e saŋɛ kaboe na n lɛ nɛ k sulɔ bumo be alubi kikɛ n yɔ kakpa nɛ esa kikɛ maŋ wɔ.

Levitikɔs 22:9

Bɔrɛmatapoana kikɛ daga b bɛ mbraana nɛ n nase na kikɛ so, saŋɛ na so b maaŋ tɔr ntaŋ nseŋ wu ŋkpal b ka maŋ wora amo kasonu so. Ma e la Enyɛnpe Ebɔrɛ na nɛ mee sha fanɛ ma bɔrɛmatapoana e baa du cheembi.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Nɔmbɛs 18:22

Baŋ yili kabre a yɔ, Israɛlebi nɛ b ka na e sa maŋ taga Enyɛnpe be wajɛbu na to, manɛ aloŋ baaŋ wu nɛ k baa la bumo be alubi be kasogberge.

Matiu 27:26

Ndoŋ nna nɛ Pailat lara Barabas n sa bumo ŋkeŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Matiu 8:17

E daŋ wora loŋ nna nɛ kusɔ nɛ anebi Aizaaya daŋ kaŋɛ na e bɔla ekpa. E yɛ: “E sɔ anyi be kayurnyaŋ nseŋ lara anyi be alɔana n deŋi mbe kumu so.”

Maak 15:15

Pailat daa maa sha keda jimaŋ na so, amoso, e daŋ lara Barabas nna n sa bumo nseŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 19:1

Ndoŋ nna nɛ Pailat ta Yesu n shin nɛ b kuya mo so.

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Ashuŋ Shunso 10:39

An la asheŋ nɛ a wora ashi Jerusalɛm to nɛ Juwebi be efuli so nɛ k ka na kikɛ be eshɛdajipoana nna. B daŋ gbir mo m mata kedibi largato so nna m mɔ mo.

Ashuŋ Shunso 13:29

B ka wora asɔ nɛ abɔrɛsibɛ na kaŋɛ fanɛ baaŋ wora mo na n loge, nɛ b lara mo kedibi largato na so n ta mo n wɔtɔ kejembulaŋ kurso ko to.

Ashuŋ Shunso 5:30

An nanaana be Ebɔrɛ e daŋ shin nɛ Yesu nɛ men daŋ gbir mo m mata kedibi largato so m mɔ na tiŋi luwu na to.

Romebi 6:11

Loŋ koŋwule na e daga fanɛ menyi alɛ gba e baa ta menyi be amu fanɛ men wu nna nɛ alubi maŋ naa ji menyi so eleŋ, ama men bɔla Kristo Yesu so nna a kɔ ŋkpa a wɔtɔ ŋkpal Ebɔrɛ so.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:16

Men maŋ nyi fanɛ men baŋ ta menyi be amu m bɔɔ esa enɔ fanɛ amodoŋwura be anya, men ki mbe anya kashenteŋto a? Menyeeŋ tiŋ a la alubi nɛ a beeŋ shin nɛ men wu na be anya, menyi alɛ beeŋ naŋ tiŋ a la kasonu nɛ kumo be lalaloge beeŋ shin nɛ men ki belelapo Ebɔrɛ be anishito na be anya.

Romebi 6:2

Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

Romebi 6:7

Ŋkpal manɛ so, esa baŋ wu, kumo ere e nya mbe kumu ashi alubi be eleŋ to.

Romebi 7:6

Ama naniere bre mbra na maŋ naa ji kuwura anyi so, ŋkpal manɛ so, kusɔ nɛ k daŋ nyaŋ anyi a wɔtɔ na be kaplɛa so, an wu nna naniere. Anyi maŋ naa shuŋ ekpa dra nɛ k la mbra nɛ b sibɛ n nase na, ekpa popɔr nɛ k la Kiyoyu Cheeŋ na peya na nɛ an naa shuŋ.

1 Kɔrintebi 15:3

Ŋkpal manɛ so, kusɔ nɛ n daŋ nya nɛ ma alɛ gba daŋ ta m bɔɔ menyi enɔ fanɛ kusɔ nɛ k juŋkpar e la fanɛ: Kristo wu nna ŋkpal anyi be alubi so fanɛ kananɛ abɔrɛsibɛ na bee kaŋɛ na fanɛ

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Kɔlɔsiebi 2:14

An kini kewora kusɔ nɛ Ebɔrɛ sibɛ mbe mbra na to na, ama e kplaŋ loŋ be kulubi na so ŋ kpra anyi be kemur nɛ Ebɔrɛ be mbra na kaŋɛ anyi fanɛ anyeeŋ mur na, kumo e la fanɛ Ebɔrɛ ta an be alubi nna n lɛ ŋkpal b ka gbir Yesu Kristo m mata kedibi largato na so so.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 10:5

Amoso, Kristo ka daŋ ba durnya to na, le nɛ e daŋ malga Ebɔrɛ be asheŋ ŋ kaŋɛ: “Mannɛ esarga nɛ ŋkɛana nɛ fo daa sha, ama eyur nɛ fo wora n sa ma na.

Hibruwebi 12:13

Men lɔŋɛ ekpa niŋiso nɛ menyee bɔla so na, saŋɛ na so, menyi to be bumo nɛ b maŋ kɔ eleŋ na maaŋ foe ekpa, ama baaŋ baa kɔ eleŋ.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 3:7

Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.