1 Pita 2:2 - EBƆRƐ BE KAWƆL

² Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

1 Pita 2:2 ပူးပေါင်းရင်းမြစ်များ

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Hoziya 14:7

Menyeeŋ luri ma kayul to n nya kekuŋ. Menyeeŋ purge afantaŋ nseŋ sɔr asɔrso fanɛ ndibi sɔrso na. Menyi alɛ be ketre beeŋ dii fanɛ Lebanɔn be nsa.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 18:3

nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ.

Matiu 19:14

Nɛ Yesu kaŋɛ: “Men shin nɛ mbia na e baa ba ma kutɔ, men sa maa kuŋ bumo ekpa, ŋkpal manɛ so, ebɔrɛso be kuwura na la loŋ be basa peya nna.”

Maak 10:15

Kashenteŋ nɛ mee kaŋɛ menyi na fanɛ esa kama nɛ e maŋ sɔ Ebɔrɛ be kuwura na fanɛ kebibi, maaŋ luri kumo to kikɛ.”

Luuk 18:17

Kashenteŋ nɛ mee kaŋɛ menyi nna fanɛ esa kama nɛ e maŋ sɔ Ebɔrɛ be kuwura na fanɛ kebibi maaŋ luri kumo to kikɛ.”

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Ɛfesesebi 2:21

Mo e kɔ ebu na be kaplɛkama to a shin nɛ k wɔ abar so a yɔ anishito a ti so a ki bɔrɛlambu cheembi ashi Enyɛnpe na to.

Ɛfesesebi 4:15

Ama anyeeŋ baa la basa nɛ baa ji abar kashenteŋ kashaso, loŋ na nɛ anyeeŋ yɔ anishito ashi kebɛso na to n duli Kristo nɛ e la an be kumu na ekpa kama so nyam.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.