1 Pita 2:18 - EBƆRƐ BE KAWƆL

¹⁸ Anya, men baa nu a sa men nyɛnpeana nsaa sa bumo bunyaŋ kikɛ nɛ k daga, mannɛ bumo nɛ b la benyɛnpe lela nsaa shu basa so na nawule, bumo nɛ b du nyaŋnyaŋ na gba ti so.

1 Pita 2:18 ပူးပေါင်းရင်းမြစ်များ

Nshɛ 101:4

Ma shɛŋ maaŋ baa wɔ basa nɛ b maa ji kashenteŋ nsaa wɔtɔ a wora asheŋ lubi to.

Aŋasa 10:32

Basa nɛ baa wora asheŋ nɛ a niŋi e nyi asheŋ lela nɛ a daga kemalga, ama asheŋ besaso nɛ belubiworapo bre bee malga saŋkama.

Aŋasa 11:20

Enyɛnpe Ebɔrɛ kishi nfɛra lubiwura ga, ama e bee sha bekama nɛ baa wora asheŋ lela bre ga.

Aŋasa 3:32

Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.