1 Pita 2:12 - EBƆRƐ BE KAWƆL

¹² Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 2:12 ပူးပေါင်းရင်းမြစ်များ

Nshɛ 37:14

Belubiworapo bee pe nsaŋɛ nna nsaa gberge bumo be ata to a fin betirpo nɛ betentaŋasepo nɛ basa nɛ baa wora asheŋ niŋiso nɛ b mɔ.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Baru lela nɛ Jɔn kute na 13:31

Judas ka lar nɛ Yesu kaŋɛ le: “Naniere bre ma, Nyiŋgbasa Pibinyɛn nya kemaŋkura nɛ Ebɔrɛ malɛ gba nya kemaŋkura ashi ma to.

Ashuŋ Shunso 15:14

Naniere nɛ Saimɔn kute kananɛ Ebɔrɛ fara n sha nnyamase na n lara bumo to be basa nɛ baaŋ baa la mo peya.

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 25:7

Pɔɔl ka ba nɛ Juwebi nɛ b shi Jerusalɛm m ba na yili ŋ kulti mo nseŋ malga kenishipereso be asheŋ lubi damta mo nɛ b kaŋɛ fanɛ e wora, ama bumo alɛ daa maŋ tiŋ ŋ ŋini fanɛ asheŋ nɛ b daa malga na la kashenteŋ.

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”

Romebi 12:17

Men sa maa bɛta kulubi a ka kulubi be kukɔ. Men baa wora ania a sha basa kikɛ nsaa wora bumo kelela.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 14:18

Ŋkpal manɛ so, ekama nɛ e bee shuŋ Kristo le be ekpa so be kebaawɔtɔ bee par Ebɔrɛ nna nɛ basa pɔtɛ gba e ji mbe kebaawɔtɔ lela na be shɛda n sa abar.

Romebi 15:9

Loŋ e naaŋ shin nɛ nnyamase e maŋkura Ebɔrɛ ŋkpal mbe kuwɔr so fanɛ kananɛ abɔrɛsibɛ na bee kaŋɛ le na: “Ŋkpal le so meeŋ baa wɔ nnyamase to a di fo Ebɔrɛ epaŋ. Meeŋ boŋ nshɛ n dele fo ketre.”

1 Kɔrintebi 14:25

Mbe wulo to be nfɛra beeŋ lar n dii efuli nɛ e gbir n dese kasawule m maŋ Ebɔrɛ so ŋ kaŋɛ le: “Kashenteŋto, Ebɔrɛ wɔ menyi kutɔ nfe.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 13:7

Anyee kule Ebɔrɛ nna fanɛ men sa maŋ kaŋ wora n da so kikɛ. Mannɛ ŋkpal basa ka beeŋ wu fanɛ anyee ji kɔŋkɔŋ so, ama fanɛ menyi e wora kusɔ nɛ k bɔla ekpa, hale nɛ k ba kaa du fanɛ an tɔr gba.

2 Kɔrintebi 8:21

Ŋkpal manɛ so, mannɛ kusɔ nɛ k kɔ kemaŋkura ashi Ebɔrɛ be anishito nawule nɛ anyi be anishi yuu so, kusɔ nɛ k kɔ kemaŋkura dimɛdi be anishito gba nɛ anyee fin.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

1 Tɛsalɔnikaebi 4:12

Loŋ nɛ bumo nɛ b maa bɛ Ebɔrɛ so na beeŋ bunyaŋ menyi.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Jeems 3:13

Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

Ruf be kawɔl 3:14

Bowas ka kaŋɛ loŋ na nɛ Ruf dese mbe aya ase ndoŋ nɛ kaboŋ ya kaa fuli to nɛ e koso n yɔ pɔɛŋ nɛ kare chɛ nɛnɛ, saŋɛ na so esa kikɛ maaŋ wu mo, ŋkpal manɛ so, Bowas daa maa sha esa kama ka pin fanɛ eche ko ba ndoŋ.