1 Pita 2:1 - EBƆRƐ BE KAWƆL

¹ Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 2:1 ပူးပေါင်းရင်းမြစ်များ

Job be kawɔl 36:13

Basa nɛ b maa ŋana Ebɔrɛ ashi bumo be ŋgbene to, kanya agbo e bɔlɔ bumo to. Nɛ Ebɔrɛ baŋ gberge bumo kusoe gba b maa kule mo fanɛ e chɛ bumo to.

Nshɛ 32:2

Kagbenefuli la esa nɛ Enyɛnpe Ebɔrɛ maŋ naa nyiŋi mbe alubi na peya nna. Mo e maŋ ta kulubi kikɛ ŋ ŋana mbe kagbene to na.

Nshɛ 34:13

Kumo ere men sa maa tuge malga lubi, ŋko n shin nɛ men be nnɔ e baa ku efɛ.

Nshɛ 37:1

Sa maŋ shin nɛ belubiworapoana be asheŋ woraso e baa fɔŋ fo, ŋko n shin nɛ bumo be kanya be asheŋ e baa besa fo.

Nshɛ 73:3

Ŋkpal manɛ so, ŋ ka daŋ wu kamoowuwuraana ka dii kedama na, n daa besa bumo eyur nna.

Aŋasa 14:30

Kagbenewushi bee sa esa ŋkpa nna, ama kayurbesa bre du fanɛ kɔrtɔ lubi nna a ji esa.

Aŋasa 24:1

Sa maa besa belubiworapo eyur, ŋko a yɛlga kebaa tu bumo a wora asheŋ.

Aŋasa 24:19

Sa maŋ shin nɛ belubiworapo be asheŋ e baa tir fo ŋko a besa fo.

Aŋasa 3:31

Sa maa yɛlga basa lubi be aworbi, ŋko a wora bumo be asheŋ woraso.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Matiu 15:7

Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:

Matiu 23:28

To, loŋ nɛ men du basa be anishito. Basa baŋ wu menyi, baa tre menyi basa lela nna, ama men be ŋgbene to bre kebirkɔnshi nɛ alubisheŋ e bɔlɔ to.

Matiu 24:51

Enyɛnpe na malɛ ba tu mo loŋ, e beeŋ kuya mo so m bɛlɛ to nseŋ shin nɛ e yɔ kakpa nɛ kebirkɔnshiwuraana bee yɔ na. Ndoŋ nɛ basa wɔtɔ a shu nsaa we anyi to na.”

Matiu 7:5

Kebirkɔnshiwura ere, a daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi ashi fo barkasa be kenishi to.

Maak 12:15

Ama Yesu wu bumo be kebirkɔnshi nseŋ bishi: “Manɛ e ba nɛ menyee sha kenu ma kɔnɔ? Men bar ma kemansherbi nɛ ŋ keni.”

Luuk 11:44

Asheŋ maaŋ nyalɛ n sa menyi, ŋkpal manɛ so, men du fanɛ nchaŋ nɛ b maŋ dulgi nɛ basa maŋ nyi nsaa nite amo so na nna.”

Luuk 12:1

Basa ŋgboŋ damta ko ka shɛr ndoŋ hale n ya kaa chichi abar so nɛ Yesu fara a kaŋɛ mbe bebɛsopo le: “Men baa de Efarisiana na be yiisi so, kumo e la fanɛ bumo be kebirkɔnshi be asheŋ.

Luuk 6:42

Nuso nɛ feeŋ wora n nya kagbene ŋ kaŋɛ fo niopibi: ‘N niopibi, shin nɛ n lara kaduubi nɛ k wɔ fo kenishi to ere n sa fo’, nsaa maa de kedishaŋ nɛ k wɔ fo gbagba be kenishi to so? Kebirkɔnshiwura ere! A daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi nɛ k wɔ fo barkasa be kenishi to na.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

1 Tɛsalɔnikaebi 2:3

Anyi be kubɔya nɛ an kɔ a leŋ menyi to na maŋ shi efɛ to ŋko kusɔ jigaya be nfɛra to ŋko kafule to.

1 Timoti 3:11

Bumo be beche gba e baa kɔ da lela nsaa maa ji bumo braana be asheŋ. A daga fanɛ b baa fɛ nfɛra dede a la beshenteŋjipo.

Taites 2:3

Loŋ koŋwule na e daga fo ka kaŋɛ bechekparana na fanɛ b baa kɔ kebaawɔtɔ cheembi. A maŋ daga fanɛ b baa la emalaŋfiki ŋko n shin nɛ kasanuu e baa pɔɔ bumo so.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

Jeems 5:9

Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.

1 Pita 2:16

Men baa wɔtɔ fanɛ basa nɛ b wɔ bumo be amu a ji, ama men sa maa kɔ loŋ be kamooji na a buu kulubi kama so. Men baa kɔ kebaawɔtɔ mo nɛ k du fanɛ Ebɔrɛ be anya peya a wɔtɔ.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

1 Pita 3:10

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee sha ŋkpa nsaa sha kewu nchɛ lela, kumo ere, amodoŋwura e sa maŋ shin nɛ mbe kɔnɔ e baa malga asheŋ lubi ŋko ku efɛ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

1 Pita 4:4

Naniere k bee chinchiŋ bumo nna, ŋkpal men ka maŋ naa tu bumo a wora loŋ be asheŋ jiga na so. Amoso nɛ baa tege menyi na.

Kelaraŋŋini 14:5

Efɛsheŋ kama daa maŋ shi bumo be nnɔ to n lar kikɛ, kulubisheŋ kama daa maŋ do bumo be ekama so.