1 Pita 1:25 - EBƆRƐ BE KAWƆL

²⁵ ama Enyɛnpe be kamalga na bre wɔtɔ nna mbaanaayɔ.” Loŋ be kamalga na e la baru lela mo nɛ b daŋ bɔ n sa menyi na.

1 Pita 1:25 ပူးပေါင်းရင်းမြစ်များ

Nshɛ 102:12

Ama fo, Enyɛnpe Ebɔrɛ na la ewura nna mbaanaayɔ; nɛ yili kenana ko m ba tu kenana ko to ebi bee nyiŋi fo asheŋ.

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 119:89

O Enyɛnpe Ebɔrɛ, fo kamalga wɔtɔ nna mbaanaayɔ; ebɔrɛso nɛ k wɔ hale nɛ mbre.

Aizaaya 40:6

Esa ko daŋ kaŋɛ ma fanɛ m ponte awɔrso, nɛ m bishi mo le: “N ponte ŋ kaŋɛ manɛ?” Nɛ e yɛ: “Ponte ŋ kaŋɛ awɔrso fanɛ edimɛdi kikɛ du fanɛ afitiri nna; b maa chɛr kebaawɔtɔ to fanɛ kananɛ atoto maa chɛr nsaa chɔɔ a mur ashi kupuŋ to na.

Aizaaya 40:8

Kashenteŋto, afitiri bee bolo nna nɛ atoto malɛ bee chuge a tɔr, ama Ebɔrɛ be kamalga na bre wɔtɔ nna mbaanaayɔ.”

Matiu 5:18

Kashenteŋto nɛ mee kaŋɛ menyi na fanɛ, pɔɛŋ nɛ esoso nɛ kasawule e ba mur, mbra na to be kasibɛbi ŋko kedosobi nyitiibi kama maaŋ chɛrga m mur ama amo kikɛ ba bɔla so nna nyam.

Luuk 16:17

Ama ebɔrɛso nɛ kasawule be kemur du potɔpotɔ a chɔ mbra na to be kedosobi nyitiibi gba ko ka beeŋ ki jiga m mur.

Baru lela nɛ Jɔn kute na 1:1

Pɔɛŋ nɛ durnya fara na nɛ esa nɛ baa tre Ebɔrɛ be Kamalga na wɔtɔ. Mo nɛ Ebɔrɛ e daa wɔtɔ nɛ mo nɛ Ebɔrɛ malɛ daa la kukoŋwule.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

1 Kɔrintebi 2:2

N daŋ yili kumo nna fanɛ ŋ ka daa wɔ menyi kutɔ na, n daa maŋ nyi shɛŋ she Yesu Kristo nawule nɛ luwu mo nɛ e wu kedibi largato so na be asheŋ.

Ɛfesesebi 2:17

Le be kagbenewushi be baru lela ere nɛ e ba bɔ n sa menyi nɛ men daa maŋ taga mo to na nɛ bumo nɛ b taga mo to na kikɛ.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Hibruwebi 6:5

B tea nyi kananɛ Ebɔrɛ be kamalga na walɛ n sa bumo nsaa nyi Ebɔrɛ be jemanɛ nɛ k bee ba na be eleŋ be asheŋ.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

2 Pita 1:19

Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

1 Jɔn 1:1

Yesu Kristo nɛ baa tre Kamalga nɛ k bee sa ŋkpa nsaa wɔtɔ durnya be sososo kikɛ na be asheŋ nɛ anyee sibɛ a sa menyi na. E malga nɛ an nu nseŋ wu mo kenishiso ŋ keni mo nseŋ ta an be enɔana m beta mo.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.