1 Pita 1:24 - EBƆRƐ BE KAWƆL

²⁴ Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

1 Pita 1:24 ပူးပေါင်းရင်းမြစ်များ

2 Bewura 19:26

Basa nɛ b daa wɔ ndegboŋ na to na daa maŋ naa kɔ eleŋ, ŋkpal kufu ka daŋ pɛ bumo nɛ eburma tɔr bumo so so. B daa du fanɛ kudɔ to be afitiri nna ŋko afitiri popɔrbi nɛ a kɔr ebu be esoso nɛ epeŋilarkpa be afu tushiso ba ber amo so nɛ a bɛlɛ nna.

Job be kawɔl 14:2

Dimɛdi du fanɛ ketoto ŋko kenyɔlɔ nna, k maa chɛr nɛ k bolo ŋko n wɔl n choŋ.

Nshɛ 102:4

M baa wɔl fanɛ afitiri nna, ajibi kikɛ malɛ maa yɛlga ma.

Nshɛ 103:15

Anyi edimɛdi be nchɛ du fanɛ afitiri ŋko kupuŋ to be atoto nɛ a bee purge manaŋ manaŋ nna;

Nshɛ 129:6

Ebɔrɛ e shin nɛ b wu nsaa maaŋ nya n daŋ fanɛ afitiri nɛ a kɔr ebuuso na.

Nshɛ 37:2

Ŋkpal manɛ so, b du fanɛ afitiri ŋko afantaŋ bumbuŋ nna, b maa chɛr nsaa wɔl a wu.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 90:5

Fo e naa shin nɛ anyi be ŋkpa bee ba ekar fanɛ edare na. An du fanɛ kachipurso be afitiri nɛ a purge a walɛ nna.

Nshɛ 92:7

kumukpakpasowura beeŋ tiŋ m purge fanɛ afitiri, nɛ belubiworapoana e nya asɔ nseŋ dii dama. E maŋ nyi fanɛ bumo kikɛ beeŋ mur cheche mbaanaayɔ.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Matiu 6:30

O, menyi be yirda du fimbi pasaa. Nɛ Ebɔrɛ bee keni afitiri nɛ feeŋ wu kabre, ŋklade n fin amo ndoŋ ŋ gben ŋkpal b ka chɔɔ amo so ere so a sa amo amo be kela, nɛ menyi ere ka bɔ amo ere nɛ e maaŋ sa asɔbuuso a?

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

1 Jɔn 2:17

Durnya ere malɛ nɛ kumo be ayɛlgasɔ kikɛ nyam bee choŋ nna, ama esa kama nɛ e bee wora Ebɔrɛ na be aparsheŋ bre wɔ ŋkpa to nna mbaanaayɔ.