1 Pita 1:2 - EBƆRƐ BE KAWƆL

² Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 1:2 ပူးပေါင်းရင်းမြစ်များ

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 65:9

Meeŋ nɛfa Israɛl nɛ Juda be basa nseŋ shin nɛ ma kasawule nɛ k kɔ abee na e ki bumo be kaman to ebi peya. Saŋɛ na so ma basa laraso nɛ baa shuŋ ma na beeŋ chena kumo so.

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Levitikɔs 1:5

Kumo be kaman nɛ e mɔ kumo Enyɛnpe Ebɔrɛ na be anishito nɛ Ɛɛrɔn be mbinyɛnsobi nɛ b la bɔrɛmatapoana na be beko e suse kumo be ŋklaŋ ŋ ŋmenyaŋ bɔrɛsure nɛ k wɔ Enyɛnpe be wajɛbu na be kabuna to na be mba ana na kikɛ so ŋ kulti.

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Maak 13:20

Nɛ Enyɛnpe daa maŋ ku nchɛ na so, esa kama daa maaŋ nya kumɔlga. Ama ŋkpal mbe basa laraso nɛ e lara so, e ku nchɛ na so.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Maak 13:27

Meeŋ shuŋi ma emalaika durnya ere to be abonfu ana na to nɛ b ya yili durnya ere to nɛ esoso be kebonfu ko to n chala ma basa laraso n ya fo durnya ere nɛ ebɔrɛso be ekar m ba ma kutɔ.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 20:32

Naniere, Ebɔrɛ be enɔ to nɛ mbe kuwɔr be kakɛ be kubɔya na be kebaawɔtɔ to nɛ mee ta menyi a wɔtɔ to na. Kubɔya na e naaŋ tiŋ n shin nɛ menyi be kenyi e wora keshi n ti so n naŋ shin nɛ men nya nɛfa nɛ Ebɔrɛ kɔ a jo nɛ e sa mbe basa cheembi na.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

Romebi 11:28

Baru lela na be kaplɛa so, bumo nɛ Ebɔrɛ ki bedoŋ nna ŋkpal menyi nnyamase so, ama Ebɔrɛ be kelara bumo so na be kaplɛa so, b la mo teriana nna ŋkpal benananyɛngboŋana na so.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 16:19

Naniere esa kama nu menyi be kasonu be asheŋ, amoso, ma kagbene fuli ma ga ŋkpal menyi so. Ama mee sha fanɛ men baa kɔ kanyiasheŋ a yɔ kelela be kaplɛa so nna nsaa maa nyi shɛŋ a yɔ alubi be kaplɛa so.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Romebi 8:13

Ŋkpal manɛ so, nɛ men baa bɛ menyi be kapɔr lubiana ere be keŋini so, menyeeŋ wu, ama nɛ men baŋ bɔla Kiyoyu na so n jija kapɔr lubi ere be ashuŋ lubi na, menyeeŋ nya ŋkpa.

Romebi 8:33

Nɛ wanɛ e naaŋ tiŋ n wu Ebɔrɛ be basa kulubi, ŋkpal manɛ so, Ebɔrɛ gbagba e kaŋɛ fanɛ b ji n lar.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 11:28

Yirda so nɛ e daŋ fara Kebansonchoŋ be kejigboŋ nseŋ daŋ shin nɛ b ta ŋklaŋ ŋ gbiti mbunaana nɛ malaika murpo na e sa maŋ beta Israɛlebi be kowu kama to be kebinyɛnbi juŋkparso na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Pita 1:20

Ebɔrɛ lara mo nna pɔɛŋ nseŋ to durnya ere, ama lalaloge be nchɛ ere to nɛ e lara mo ŋ ŋini ŋkpal menyi so.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

2 Pita 1:2

Ebɔrɛ e bɔla men be kebaanyi mo nɛ Yesu an Nyɛnpe na so n shin nɛ mbe kuwɔr be kakɛ nɛ kagbenewushi e baa la menyeya m bɔlɔ menyi to kiŋkiŋ.

2 Jɔn 1:1

Kawɔl ere shi ma nɛ baa tre Enimu na kutɔ nna a yɔ kowurche nɛ Ebɔrɛ lara na nɛ mbe mbia kutɔ. Amo be kache na be asheŋ nɛ mee sha kashenteŋto na. Mannɛ n nawule malɛ gba e naa sha mbe asheŋ, bekama nɛ b nyi kashenteŋ be keŋini na gba bee sha mbe asheŋ,

2 Jɔn 1:13

Fo sipo cheso nɛ Ebɔrɛ lara na gba be mbia bee chɔrɔ fo.

Juud 1:2

Ebɔrɛ e wu menyi kuwɔr nseŋ sa menyi kagbenewushi nɛ kasha nɛ a baa wɔ menyi to a ti so saŋkikɛ.