1 Pita 1:17 - EBƆRƐ BE KAWƆL

¹⁷ Ŋkpal men ka bee tre esa nɛ e bee ji dimɛdi kikɛ be aworbi demu ŋkaa maa kpɛa mo to na men Tuto ere so, a daga fanɛ men baa wɔ durnya ere to fanɛ befɔ a ŋana Ebɔrɛ.

1 Pita 1:17 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

2 Kronikɛls 19:7

Men baa bunyaŋ Enyɛnpe Ebɔrɛ na nsaa de so, ŋkpal manɛ so Enyɛnpe nɛ e la anyi be Ebɔrɛ na maa sha kapuni nɛ ŋkpɛato nɛ brɔbu be asheŋ.”

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 28:14

Esa kama nɛ e bee ŋana Ebɔrɛ bee nya nɛfa nna, ama esa kama nɛ e kɔ kagbene kpakpaso bre bee luri asheŋ to nna.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Zefanaiya 3:9

Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

2 Kɔrintebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

2 Kɔrintebi 5:6

Amoso, saŋkikɛ anyi maa pɔ aba, ŋkpal manɛ so, an nyi fanɛ an ka baa wɔ epe ashi anyi be eyur ere to ere, anyi nɛ Enyɛnpe na wɔ kufɔ.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

2 Kɔrintebi 7:11

Men keni kusɔ nɛ le be kagbenejija nɛ k bee par Ebɔrɛ ere bar menyi, kananɛ k ta menyi ŋ ki kenishiperewuraana. Men keni kananɛ k bar menyi men be amu be kekɔnsɔ be eleŋ loŋ nseŋ keni kananɛ k shin nɛ men be ŋgbene kaa nɛ kananɛ k bar menyi kufu nɛ kasha nɛ ŋgbene mo nɛ a maa lar esa kaman. Men naŋ keni kananɛ k shin nɛ menyee sha kewu asheŋ nɛ amo be kashenteŋ be ekpa so loŋ. Kashenteŋto, men ŋini fanɛ ekpa kama so, men maŋ wora n da so ashi le be asheŋ ere to.

Galeeshaebi 2:6

Bumo nɛ b daa du fanɛ benimuana na bre, kanaŋkama nɛ b daa du daa maŋ la shɛŋ ŋ kutɔ, Ebɔrɛ malɛ gba maa kpɛa basa to, b maŋ ta shɛŋ n ti ma kubɔya na so.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 3:14

Amoso nɛ mee gbir Etuto

Ɛfesesebi 6:9

Benyɛnpe, menyi alɛ gba e baa wora menyi be anya loŋ. Men sa maa funti a funti bumo, ŋkpal manɛ so, menyi alɛ gba nyi fanɛ esa nɛ e wɔ ebɔrɛso a la menyi nɛ anya na kikɛ be Enyɛnpe na maŋ kɔ ŋkpɛato.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Kɔlɔsiebi 3:25

Enyɛnpe Yesu Kristo na nɛ menyee shuŋ, ŋkpal manɛ so, ekama nɛ e wora alubi, Ebɔrɛ beeŋ ka mo amo be kukɔ a maa kɔ ŋkpɛato.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.