1 Pita 1:14 - EBƆRƐ BE KAWƆL

¹⁴ Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 1:14 ပူးပေါင်းရင်းမြစ်များ

Ashuŋ Shunso 17:30

Ebɔrɛ kplaŋ saŋɛ nɛ basa daa maŋ nyi na so, ama naniere e bee kaŋɛ ekama kaplɛkama fanɛ e lar mbe alubi to.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Ditɛronɔmi 27:10

amoso men baa wora mo kasonu nsaa bɛ mbe mbraana nɛ n ta a sa menyi kabre ere kikɛ so.”

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.