1 Pita 1:10 - EBƆRƐ BE KAWƆL

¹⁰ Le be kumɔlga ere be asheŋ nɛ anebiana na daŋ pere kenishi ŋ keni to nɛnɛ n fin nseŋ daŋ wu loŋ be kuwɔr be kakɛ mo nɛ k beeŋ ki menyeya ere be asheŋ ŋ kaŋɛ na.

1 Pita 1:10 ပူးပေါင်းရင်းမြစ်များ

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Aŋasa 2:4

Baa fin kenyi kenishipereso fanɛ kananɛ feeŋ fin gbiti nɛ yawu kpakpaso be asɔ nɛ a ŋana na.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Zakareya 6:12

Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Matiu 13:17

Kashenteŋ nɛ mee kaŋɛ menyi na fanɛ anebi damtaana nɛ Ebɔrɛ be basa damtaana daŋ yɛlga kewu asɔ nɛ menyee wu ere a maŋ nya amo n wu. B daŋ yɛlga kenu asheŋ nɛ menyee nu ere a maŋ nya amo n nu.”

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Luuk 10:24

Ŋkpal manɛ so, anebi damtaana nɛ bewuraana kikɛ daŋ yɛlga kewu asɔ nɛ menyee wu ere a maŋ nya amo n wu. B daŋ yɛlga kenu asheŋ nɛ menyee nu ere a maŋ nya amo n nu.”

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Baru lela nɛ Jɔn kute na 7:52

Ndoŋ nna nɛ mo braana na bishi mo le: “Fo alɛ gba shi Galili nna a? Kraŋ abɔrɛsibɛ na, feeŋ wu fanɛ anebi kikɛ maa lar Galili.”

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 11:40

Ŋkpal manɛ so, Ebɔrɛ daa kɔ kusɔ nɛ k bɔ kede ere gba nna n nase anyi. Mbe kusɔ nɛ e daŋ yili e la fanɛ anyi nɛ bumo be kegama nawule to nɛ baaŋ fɔr so n nyalɛ so.

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.