1 Pita 1:1 - EBƆRƐ BE KAWƆL

¹ Kawɔl ere shi ma Pita nɛ n la Yesu Kristo be eshuŋipo na kutɔ nna a yɔ Ebɔrɛ be basa laraso nɛ b pesaŋ to a wɔ durnya ere to fanɛ befɔ a wɔ Pɔntes nɛ Galeesha nɛ Kapadosia nɛ Eeshia nɛ Bitinia be nsawuleana so na kutɔ nna.

1 Pita 1:1 ပူးပေါင်းရင်းမြစ်များ

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Nshɛ 44:11

Fo yige anyi nna nɛ an ki fanɛ asɔbɔya nɛ basa bee mɔ a ji, nseŋ pesaŋ anyi to n wɔtɔ efuli pɔtɛana to.

Ezikɛl 6:8

Ama meeŋ shin nɛ beko e ji efute nseŋ pesaŋ to n yɔ efuli pɔtɛana so.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Matiu 10:2

Beshuŋipo kuduanyɔ na be atre nde: Saimɔn, emo nɛ baa tre Pita na nɛ mo sipo Andru nɛ Jeems nɛ mo sipo Jɔn, Zɛbedi be mbia

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 4:18

Yesu ka na Galili be kepagboŋ na ase nɛ e wu benyɛn anyɔ ko, Saimɔn nɛ baa tre Pita na nɛ mo sipo Andru ka bee lɛ keshewu kepagboŋ na to, ŋkpal manɛ so, b daa la ekɔrɔtɔpɛpoana nna.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Baru lela nɛ Jɔn kute na 11:52

Mannɛ bumo nɛ b daa wɔ efuli na so na nawule gba, ama e daa shin nɛ e wu n sa Ebɔrɛ be mbia nɛ b daŋ pesaŋ to a wɔ mboŋ pɔtɛana na kikɛ gba, saŋɛ na so e beeŋ bar bumo abar so n shin nɛ b ba ki kukoŋwule.

Baru lela nɛ Jɔn kute na 7:35

Ndoŋ nna nɛ Juwebi be benimuana na fara a bishi abar le: “To, nnɛ nɛ kanyɛn ere bee sha keyɔ nɛ anyi ere maaŋ tiŋ n wu mo ere? Ŋko e bee yɔ an peebi nɛ b wɔ Griikebi to na nna nɛ e ya kaa ŋini bumo abɔrɛsheŋ?

Ashuŋ Shunso 18:2

Ndoŋ nɛ e ya tu Juwnyɛn ko nɛ b daŋ kurge mo ashi Pɔntes a tre mo Akwila na. Mo nɛ mbe eche Prisila ka daŋ shi Itali m ba ndoŋ ŋkpal Ewurgboŋ Klawdias ka daŋ ju Juwebi kikɛ ashi Rom na so, k daa maŋ chɛr.

Ashuŋ Shunso 18:23

E ka ya wora nchɛnnyɔ ndoŋ nɛ e lar ndoŋ m bɔla Galeesha nɛ Frijia be efuliana so be egbaŋ to a leŋ beyirdapoana na kikɛ to.

Ashuŋ Shunso 19:10

Pɔɔl be nfɛ anyɔ nɛ e wɔtɔ a wora loŋ hale nɛ basa nɛ b daa wɔ Eeshia be efuli so na kikɛ, Juwebi nɛ nnyamase gba ya nu Enyɛnpe be kubɔya na.

Ashuŋ Shunso 6:9

Ama nshɛrbu nɛ b daa tre “Basa nɛ b sɔ bumo be amu n yige be Nshɛrbu na” to ebi be beko daŋ ba ji Stiven emɔrɔ. Bumo be beko daŋ shi Sairini nɛ Alɛkzaandria nna. Bumo nɛ Silisia nɛ Eeshia be Juwebi ko e daŋ ba fara a ji Stiven emɔrɔ.

Ashuŋ Shunso 8:4

Beyirdapo na nɛ b daŋ pesaŋ to na daŋ yɔ kaplɛkama nna n ya kaa bɔ kubɔya na.

1 Kɔrintebi 16:19

Asɔriana to ebi nɛ b wɔ Eeshia be kasawule so nfe ere kikɛ bee chɔrɔ menyi. Akwila nɛ Prisila nɛ asɔriebi nɛ baa shɛr bumo pe na kikɛ bugi kagbene a chɔrɔ menyi ga ashi Enyɛnpe to.

2 Kɔrintebi 1:8

Bekurgepoana, anyee sha fanɛ men pin kekɔrfɛ mo nɛ b kɔrfɛ anyi ashi Eeshia be kasawule so nna. Kashenteŋto, asheŋ nɛ b daŋ ta n tu anyi na daŋ wora anyi egbɛ ga n ya kaa pɔɔ anyi so, nɛ an daa fɛ fanɛ anyi be ŋkpaana loge durnya to.

Galeeshaebi 1:2

Bekurgepoana nɛ b wɔ nfe ere kikɛ na gba ti kawɔl ere be kasibɛ be asheŋ to so a chɔrɔ menyi.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Ɛfesesebi 2:19

Amoso, menyi nnyamase maŋ naa la befɔ n shi efuli ko so. Naniere menyi nɛ Ebɔrɛ be basa la kukoŋwule nna a la kakpa koŋwule so ebi nseŋ naa la Ebɔrɛ be kowu to ebi be basa.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Ditɛronɔmi 32:26

Meeŋ mur bumo kikɛ kuraa, nɛ esa maaŋ naŋ nyiŋi bumo gba.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

2 Timoti 1:15

Fo nyi fanɛ Eeshia be efuli so ebi kikɛ hale Figɛles nɛ Hɛmɔjines gba yige ma n to ŋko?

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Jeems 1:1

Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”