1 Kronikɛls 9:3 - EBƆRƐ BE KAWƆL

³ Bumo be basa nɛ b shi Juda nɛ Bɛnjamin nɛ Efrayim nɛ Manase be yiri to na daŋ ya chena Jerusalɛm nna.

1 Kronikɛls 9:3 ပူးပေါင်းရင်းမြစ်များ

1 Kronikɛls 8:28

Bumo kikɛ daa la kanaŋ to be benimu nna nɛ bumo nananyɛnana daŋ chena Jerusalɛm.

1 Kronikɛls 9:4

Juda be yiri to be basa nɛ b daŋ ya chena Jerusalɛm na daa wɔ nnaŋ alfa ashe nɛ adekpanu. Bumo kikɛ ere daa la Juda be mbinyɛnsobi asa na be kaman to ebi nna. Bumo e la Pɛrɛs nɛ Shela nɛ Zɛra na. Bumo be bejuŋkparpoana e daa la Utai nɛ Asaya nɛ Jewuɛl. Amihuud pibinyɛn e daa la Utai. Utai be kaman to ebi e daa la Omri nɛ Imri nɛ Bani nɛ Pɛrɛs. Shɛla be kaman to be esa e daa la Asaya, nɛ Zɛra malɛ be kanaŋ to be esa daa la Jewuɛl.

2 Kronikɛls 11:16

Ndoŋ nna nɛ Israɛl be eyiriana na to be basa nɛ b daa sha kebaashuŋ Enyɛnpe Ebɔrɛ kashenteŋto na bɛ bɔrɛmatapoana na nɛ Livaiebi na so n yɔ Jerusalɛm, saŋɛ na so baaŋ tiŋ a lara esarga a sa Enyɛnpe Ebɔrɛ nɛ e la bumo nananyɛnana be Ebɔrɛ na.

2 Kronikɛls 30:11

Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.