1 Kronikɛls 9:20 - EBƆRƐ BE KAWƆL

²⁰ Jemanɛ nɛ Eliaza pibinyɛn Finihas daa keni mbunakumpoana na so na, Enyɛnpe Ebɔrɛ na daa wɔ mo kutɔ nna.

1 Kronikɛls 9:20 ပူးပေါင်းရင်းမြစ်များ

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

Jɛnesis 39:3

Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

1 Kronikɛls 9:19

Kɔr pibinyɛn Shallɔm nɛ mo nananyɛn daa la Ebiasaf na nɛ Koora be kabuna be basa ko e daa keni kabuna nɛ baa bɔla a luri bɔrɛlambu na to na so fanɛ kananɛ bumo nananyɛnana daa keni wajɛbu cheembi na be kabuna so na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Nɔmbɛs 3:32

Bɔrɛmatapo nimuso Ɛɛrɔn pibinyɛn Eliaza e daa la Livaiebi na be enimu. Mo nɛ b daŋ lara fanɛ e baa la basa nɛ baa shuŋ Enyɛnpe be wajɛbu na to na be ejuŋkparpo.

Nɔmbɛs 31:6

Nɛ Mosis shin nɛ Eliaza pibinyɛn Finihas ta Enyɛnpe be wajɛbu na to be asɔ cheembi nɛ mbel nɛ baaŋ ba ta a tre abar n tu bumo n yɔ kena na to.

Nɔmbɛs 4:16

Bɔrɛmatapo nimuso Ɛɛrɔn pibinyɛn, Eliaza e daga fanɛ e baa keni ŋku nɛ baa ta a wɔtɔ efitila na to nɛ eduwu nɛ esargajibi nɛ ŋku nɛfaso nɛ kusɔ kama nɛ k wɔ wajɛbu na to nsaa la Enyɛnpe Ebɔrɛ na peya na so.

Nɔmbɛs 4:28

Bɔrɛmatapo nimuso Ɛɛrɔn pibinyɛn Itama e naaŋ baa keni Gɛshɔnebi na so nɛ b baa shuŋ le be ashuŋ ere ashi wajɛbu na to.

Nɔmbɛs 4:33

Bɔrɛmatapo nimuso Ɛɛrɔn pibinyɛn, Itama e baa keni bumo so nɛ b baa shuŋ bumo be ashuŋ nɛnɛ.

Joshuwa 22:13

nseŋ shuŋi bɔrɛmatapo Eliaza pibinyɛn Finihas, Ruben nɛ Gad be eyiri nɛ Manase be epeŋilarkpa be yiri na kutɔ ashi Giliad be kasawule so.

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”