1 Kronikɛls 9:2 - EBƆRƐ BE KAWƆL

² B ka bɛta a ba na be bumo nɛ b juŋkpar m ba bumo be nde to e daa la Israɛl be ndetobia na nɛ bɔrɛmatapoana na nɛ Livaiebi na nɛ bɔrɛlambu na to be beshumpo na.

1 Kronikɛls 9:2 ပူးပေါင်းရင်းမြစ်များ

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Ɛzra 2:43

Bɔrɛlambu na to be beshumpo nɛ bumo be mbuna ebi bɛta m ba na nde: Ziha nɛ Hasufa nɛ Tabaof,

Ɛzra 2:58

Bɔrɛlambu na to be beshumpoana be kaman to ebi nɛ Sɔlɔmɔn be nyɛrbi be kaman to ebi kikɛ daa la basa alfa asa nɛ adekpanu nɛ anyɔ nna.

Ɛzra 2:70

Kumo be kaman, nɛ bɔrɛmatapoana na nɛ Livaiebi na nɛ beshɛbompo na nɛ basa nɛ baa keni bɔrɛlambu na be mbuna so na nɛ bɔrɛlambu na to be beshumpoana na nɛ basa na to be beko gba kikɛ yɔ n ya chena bumo be ndeana to. Nɛ Israɛlebi nɛ b ka na malɛ gba yɔ bumo be ndeana to n ya chena.

Ɛzra 8:20

Kumo be kaman, b daŋ naŋ shin nɛ basa nɛ ewura Deevid nɛ mbe benimu daŋ yili kumo fanɛ b baa chɛ Livaiebi na to na to be basa alfa anyɔ nɛ adunyɔ ba nɛ b baa ka chɛ to a shuŋ bɔrɛlambu na to.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 7:60

Bɔrɛlambu to be beshumpo na nɛ Sɔlɔmɔn be nyɛrbi na be mbunaebi nɛ b bɛta na kikɛ daŋ koso basa alfa asa nɛ adekpanu nɛ anyɔ nna.

Nehemaya 7:73

Ndoŋ nna nɛ bɔrɛmatapoana na nɛ Livaiebi na nɛ bɔrɛlambu to be bekumpo na nɛ beshɛbompoana na nɛ basa na be beko nɛ bɔrɛlambu to be beshumpo na nɛ Israɛlebi na kikɛ chena bumo be ndeana to ashi Juda be efuli so kikɛ.