1 Kronikɛls 9:18 - EBƆRƐ BE KAWƆL

¹⁸ B daŋ keni kakpa nɛ baa tre ewura be kabuna nɛ k wɔ epeŋilarkpa be kaba so na so na n chɛr. Sososo bre, bumo nananyɛnana daa keni Livaiebi na be echenakpaana be mbuna so.

1 Kronikɛls 9:18 ပူးပေါင်းရင်းမြစ်များ

1 Bewura 10:5

E ka wu ajibi nɛ b chige n yili ewura Sɔlɔmɔn be teebɔl so na, nɛ ebuana nɛ mbe benimuana wɔtɔ na, nɛ kananɛ ewura be laŋ na to be beshumpo be asheŋ bee bɛ abar so nɛnɛ na, nɛ epiŋi nɛ nyɛrbi nɛ baa chige ajibi bee buu na, nɛ k chinchiŋ mo alegaiso.

2 Bewura 11:19

Ade kikɛ be kaman nɛ benapo be benimuana nɛ Jerusalɛm be kade to be benimuana nɛ ekrachiana nɛ basa nɛ b ka na kikɛ ba Jehowada kutɔ nɛ b bɛ abar so n ya keta ewura na bɔrɛlambu na to m ba ewura be laŋ to. Kabunagboŋ na to nɛ b daŋ bɔla n luri laŋ na to nɛ ewura na ya chena mbe kuwurputi so.

2 Bewura 16:18

Ŋkpal ewura Ahaz ka daa sha kewora kusɔ nɛ k bee par Asiriya be ewurgboŋ Tiglaf Pilesa na so, e daŋ shin nna nɛ b gboŋi wajɛbu lela nɛ ewura bee chena to a shuŋ Enyɛnpe Ebɔrɛ kewushiachɛ kikɛ na nna nseŋ ti kabuna nɛ Juda be bewura bee bɔla a luri bɔrɛlambu na to na.

1 Kronikɛls 9:17

Bɔrɛlambu na be mbuna be bekumpo e daa la: Shallɔm nɛ Akuub nɛ Talmɔn nɛ Ahiman. Bumo be ejuŋkparpo e daa la Shallɔm.

1 Kronikɛls 9:19

Kɔr pibinyɛn Shallɔm nɛ mo nananyɛn daa la Ebiasaf na nɛ Koora be kabuna be basa ko e daa keni kabuna nɛ baa bɔla a luri bɔrɛlambu na to na so fanɛ kananɛ bumo nananyɛnana daa keni wajɛbu cheembi na be kabuna so na.

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Ezikɛl 44:1

Ndoŋ nna nɛ kanyɛn na naŋ keta ma n yɔ kowushina be kelɔnɛ na so a mata bɔrɛlambu na be kabunagboŋ nɛ k wɔ epeŋilarkpa be kaba so na. Nɛ n wu fanɛ kumo be akuloŋ na daŋ ti nna.

Ashuŋ Shunso 3:11

Basa na ka wu kananɛ kanyɛn na far n chɛ Pita nɛ Jɔn na nɛ k chinchiŋ bumo kikɛ ga nɛ b shile n yɔ bumo kutɔ ashi kakpa nɛ b daa tre Sɔlɔmɔn be kedɛdɛ na.