1 Kronikɛls 9:1 - EBƆRƐ BE KAWƆL

¹ B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.

1 Kronikɛls 9:1 ပူးပေါင်းရင်းမြစ်များ

1 Bewura 14:19

B sibɛ kusɔ kama nɛ ewura Jeroboam daŋ wora kikɛ, kananɛ e kɔ ana, nɛ kananɛ e ji kuwura, be asheŋ nna n wɔtɔ Israɛl be bewura be adrasheŋ be nwɔl to.

2 Bewura 24:14

E daŋ shin nna nɛ b pɛ Jerusalɛm be basa nɛ b shi ewurkpa nɛ bewurbi nɛ benapo be benimu nɛ basa nɛ b kɔ enɔ to be ashuŋ be kenyi nɛ ebɔyɛpo, nɛ bumo kikɛ yili basa ŋgboŋ kudu, n yɔ Babilɔn be efuli wɔfɔ na. Betirpo nawule nɛ b daŋ yige Juda be efuli so.

2 Bewura 24:15

Nebukadneeza daŋ shin nna nɛ b pɛ ewura Jehowachin nɛ mo nio nɛ mbe beche nɛ mbe benimuana nɛ Juda be efuli so be bejuŋkparpoana kikɛ n yɔ Babilɔn n ya ti ebu.

2 Bewura 24:16

Ewura Nebukadneeza daŋ pɛ benapo ŋgboŋ ashunu nɛ basa nɛ b kɔ enɔ to be kushuŋ be kenyi kagboŋ nɛ bekama nɛ b fo kena to be keyɔ n yɛr bumo kikɛ Babilɔn.

1 Kronikɛls 8:40

Ulaam be mbinyɛnsobi na daa la benapo nɛ bekpampogboŋ nɛ b kɔ kenyɛn ga nna. Mbe mbinyɛnsobi nɛ mo nanabinyɛnsoana kikɛ daa wɔ basa kalfa nɛ adunu. Bumo kikɛ daa la Bɛnjamin be kaman to ebi nna.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Ɛzra 2:59

Basa nɛ b daa maŋ tiŋ ŋ ŋini Israɛl be kanaŋ nɛ b shi kumo to kikɛ ama nseŋ shi Tɛl Mɛla nɛ Tɛl Hasha nɛ Kerub nɛ Adɔn nɛ Imma be nde to m ba na e daa la.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 7:5

Amoso Ebɔrɛ daŋ sa ma nfɛra nna fanɛ ŋ gama basa na nɛ bumo be bejuŋkparpo nɛ ekrachi na ŋ keni basa nɛ ewurgboŋ Nebukadneeza pɛ n yɔ Babilɔn be efuli so nɛ b bɛta m ba na be nnaŋ be atre be nwɔl to ŋ karga bumo. Kusɔ nɛ n wu nwɔl na to nde.

Aizaaya 3:2

nɛ bumo be basa nɛ b wora asheŋgboŋ nɛ baa puchi bumo so nɛ esoji nɛ demujipoana nɛ anebiana nɛ bekpalpo nɛ ekrachigboŋ,

Jɛremaya 13:19

Bedoŋ teŋ ba kulti ndeana nɛ e wɔ Juda be kelargato be kaseto be kaba so be keshishɛrsawule so nna n wɔtɔ nɛ esa kikɛ maaŋ naŋ tiŋ n luri ŋko n lar amo to. B teŋ pɛ Juda be basa kikɛ fanɛ anya n yɔ efuli pɔtɛana nɛ e wɔ kufɔ kufɔ so.”

Jɛremaya 39:9

Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.