1 Kronikɛls 8:33 - EBƆRƐ BE KAWƆL

³³ Neer pibi e daa la Kish, nɛ Kish malɛ pibi daa la ewura Sɔɔl. Ewura Sɔɔl malɛ daa kɔ mbinyɛnsobi ana nna. Bumo e la Jonatan nɛ Malchishuwa nɛ Abinadab nɛ Eshbaal.

1 Kronikɛls 8:33 ပူးပေါင်းရင်းမြစ်များ

2 Samuɛl 2:8

Neer pibi Abna nɛ e daa la Sɔɔl be benapo be enimu na daŋ ta Sɔɔl pibi Ishboshɛf nna n shile n dii Jɔɔdan be lɔr na n yɔ Mahanaim.

2 Samuɛl 4:12

Ndoŋ nna nɛ Deevid ponte ŋ kaŋɛ mbe benapo na fanɛ b mɔ bumo, nɛ b mɔ Reekab nɛ Baana nseŋ ku bumo be enɔana nɛ bumo be aya nseŋ ya chɛ bumo eyurana efɔl n shiga ndibi so ashi Hibrɔn be kepa ase. Kumo be kaman nɛ b ta Ishboshɛf be kumu na n ya puli Abna be kebeelaŋ be nchaŋ to ashi Hibrɔn.

1 Kronikɛls 8:32

Miklɔf nɛ mo pibi la Shimia na. Bumo be kenan to ebi ko daŋ yɔ Jerusalɛm nna n ya chena bumo kurgepoana kutɔ.

1 Kronikɛls 8:34

Jonatan pibi e daa la Mɛribaal nɛ Mɛribaal malɛ pibi daa la Maika.

Ashuŋ Shunso 13:21

Jemanɛ na so nɛ b kule Samuɛl fanɛ e lara ewura n sa bumo nɛ Ebɔrɛ ta Sɔɔl, Kish nɛ e shi Bɛnjamin be kanaŋ to na pibi n sa bumo fanɛ e ji bumo so kuwura nfɛ adena.

1 Samuɛl 31:2

Ama Filistiebi na daŋ ju m buu bumo so nna nseŋ ya mɔ Sɔɔl be mbinyɛnsobi asa, Jonatan nɛ Abinadab nɛ Malkishuwa.

1 Samuɛl 9:1

Damawura ko e daa wɔtɔ nɛ baa tre mo Kish nɛ e shi Bɛnjamin be yiri to. Mo tuto be ketre e daa la Abiɛl nɛ mo nananyɛn malɛ daa la Zɛrɔ. Zɛrɔ malɛ mo tuto e daa la Bɛkurɔf nɛ Bɛkurɔf malɛ mo tuto daa la Afaya.

1 Samuɛl 9:2

Kish pibinyɛn ko be ketre e daa la Sɔɔl. Sɔɔl daa walɛ kayɛrbi nna ga, nsaa maŋ kɔ sara kikɛ. Mo e daa wɔ nteŋ a chɔ Israɛl be esa kikɛ.