1 Kronikɛls 7:29 - EBƆRƐ BE KAWƆL

²⁹ Manase be kaman to ebi na e daa ji Bɛf Shan nɛ Taanak nɛ Majido nɛ Dɔɔ nɛ nde nɛ a kulti kumo na kikɛ so eleŋ. Le be nde ere to nɛ Jeekɔb pibinyɛn Josɛf be kaman to ebi daa wɔ.

1 Kronikɛls 7:29 ပူးပေါင်းရင်းမြစ်များ

1 Bewura 4:12

Ahilud pibinyɛn Baana e daa keni kebonfu nɛ Tanaak nɛ Majido be nde wɔ na so. Mo koŋwule na e daŋ naa keni kebonfu nɛ k wɔ Bɛf Shan nɛ k mata Zeratan nɛ k wɔ Jezreel be kelargato be kaseto be kaba so, nɛ yili Bɛf Shan a yɔ Abel Mɛhola n ya fo Jokmiam be kaba so na kikɛ so.

1 Bewura 9:15

Ewura Sɔlɔmɔn daŋ tintiŋ basa nna nɛ b pɔr bɔrɛlambu na nɛ ewura be laŋ na nseŋ sulɔ ajembu m mata kade na be epeŋilarkpa be kaba so be egbal na. Kumo be kaman nɛ e shin nɛ b pɔr egbal ŋ kulti kade na kikɛ. E daŋ shin nɛ b lɔŋɛ m pɔr Hazɔɔ nɛ Majido nɛ Gaza be nde gba nna.

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

2 Bewura 9:27

Ewura Ahaziya ka wu kusɔ nɛ k wora na, nɛ e luri mbe gbaŋɛturko to a shile a yɔ Bɛf Hegan nɛ Jehu ju m buu mo so nsaa kaŋɛ le: “Men mɔ mo alɛ gba!” Ndoŋ nna nɛ Jehu be benapo doro mo saŋɛ so nɛ e wɔ Guur nɛ k mata Iblim be kade to be ekpa to a yɔ na. Nɛ e keta doro na n ya fo kade nɛ baa tre Mɛjido na pɔɛŋ nseŋ wu.

2 Kronikɛls 35:22

Ama ewura Josaya bre daŋ baa yili kena na be kekɔ so nna. E daŋ kini kenu kusɔ nɛ Ebɔrɛ bɔla ewura Neeko so ŋ kaŋɛ na nna nseŋ chɛrga mbe asɔbuuso n yɔ Magido be kepla na so n ya kɔ ewura Neeko kena.

Zakareya 12:11

Kushu nɛ k beeŋ baa wɔ Jerusalɛm to loŋ be kamɔnchɛ na beeŋ baa shi pasaa. K beeŋ baa du fanɛ b ka daa shu Hadad Rimɔn be keeli ashi Megido be keplasawule so na nna.

Kelaraŋŋini 16:16

Ndoŋ nna nɛ ayoyu na bar bewura abar so ashi kakpa nɛ Hibruwebi bee tre Aamagɛdɔn na.

Demujipoana 5:19

Keenan be bewura kɔ anyi kena ashi kade nɛ baa tre Taanak nɛ k mata kabombi nɛ k dese kade nɛ baa tre Mɛgido na nna; ama bumo alɛ maŋ tiŋ ŋ kɔ n suge anyi be gbiti gba.

1 Samuɛl 31:10

Kumo be kaman nɛ b ta mbe kena to be akɔsɔ na kikɛ n ya yili kegbirche Ashtɔrɛf be lambu to nseŋ gbir mo nɛ mbe mbia asa be eyurana malɛ m mata Bɛf Shan be kade to be egbal be kowushina.