1 Kronikɛls 6:47 - EBƆRƐ BE KAWƆL

⁴⁷ nɛ Maali malɛ pibinyɛn daa la Shema nɛ Muushi malɛ pibinyɛn daa la Maali nɛ Mɛrari malɛ pibinyɛn daa la Muushi nɛ Livai malɛ pibinyɛn daa la Mɛrari.

1 Kronikɛls 6:47 ပူးပေါင်းရင်းမြစ်များ

1 Kronikɛls 23:21

Mɛrari daa kɔ mbinyɛnsobi anyɔ nna. Bumo e la Maali nɛ Mushi. Maali gba daa kɔ mbinyɛnsobi anyɔ nna. Bumo e daa la Eliaza nɛ Kish.

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 6:46

nɛ Amzi malɛ pibinyɛn daa la Hilkiya nɛ Bani malɛ pibinyɛn daa la Amzi nɛ Shema malɛ pibinyɛn daa la Bani,

1 Kronikɛls 6:48

Livaiebi nɛ b ka na bre, b daŋ lara bumo nna fanɛ b baa shuŋ wajɛbu cheembi na to.

1 Kronikɛls 6:56

Ama b daŋ ta kumo be adɔsawule nɛ ndewurbiana nɛ a chena ŋ kulti kumo na bre n sa Jefune pibinyɛn Kalɛb nna.

Ɛksodɔs 6:19

Mɛrari be mbinyɛnsobi malɛ be atre e daa la Maali nɛ Mushi. Bumo alɛ e ki Livaiebi be kanaŋ to be mbuna na.

Nɔmbɛs 10:17

B ka bee kaa na nɛ b gboŋi wajɛbu na to nɛ Gɛshɔn nɛ Mɛrari be mbunaebi nɛ b la Livaiebi nɛ bumo be kushuŋ la wajɛbu na be kesulɔ na ta kumo n sulɔ a yɔ.

Nɔmbɛs 3:20

Nɛ Mɛrari malɛ be mbinyɛnsobi daa la Maali nɛ Muushi. Bede e daa la Livai be mbinyɛnsobi nɛ mo nanabinyɛnsoana. Bumo alɛ e daŋ ba ki Livai be kaman to ebi.

Nɔmbɛs 4:42

Kumo alɛ be kaman nɛ b karga Mɛrariebi na mbuna mbuna nɛ kanaŋ kanaŋ so nɛ bumo be benyɛn nɛ b fo nfɛ adesa n ya fo nfɛ adunu nsaa beeŋ tiŋ n shuŋ wajɛbu na to na koso basa ŋgboŋ asa nɛ alfa anyɔ.

Nɔmbɛs 7:8

nseŋ ta eturko ana nɛ egbolufɛlso aburwa malɛ n sa Mɛrariebi na. Ɛɛrɔn pibinyɛn, Itama e daa keni bumo kikɛ so.

Joshuwa 21:27

Manase be yiri to ebi be bargato nɛ b wɔ epeŋilarkpa be kaba so na be ndegboŋ anyɔ nɛ b daŋ ta n sa Gɛshɔn be kabuna ebi nɛ b shi Livai be yiri to e la Golan nɛ k la kesɔnyige be nde na be kuko ashi Bashan na, nɛ Bɛshtera nɛ amo be asɔbɔya be ejikpa be nsawule.

Joshuwa 21:7

Mɛrari be kabuna ebi malɛ daŋ nya nde kuduanyɔ nna ashi Ruben nɛ Gad nɛ Zɛbyulɔn be nsawule so.