1 Kronikɛls 6:34 - EBƆRƐ BE KAWƆL

³⁴ nɛ Samuɛl malɛ mo tuto daa la Ɛlkana nɛ Ɛlkana mo tuto daa la Jeroham nɛ Jeroham mo tuto daa la Eliɛl nɛ Eliɛl mo tuto daa la Toa,

1 Kronikɛls 6:34 ပူးပေါင်းရင်းမြစ်များ

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

1 Kronikɛls 24:1

B daŋ barga Ɛɛrɔn be kaman to ebi to ntuŋso nna. Ɛɛrɔn daa kɔ mbinyɛnsobi ana nna. Bumo e daa la: Nadab nɛ Abihu nɛ Eliaza nɛ Itama.

1 Kronikɛls 24:19

Kananɛ Enyɛnpe Ebɔrɛ nɛ e la Israɛl be Ebɔrɛ na daŋ kaŋɛ bumo nananyɛn Ɛɛrɔn nɛ e yili bumo be ashuŋ ashi bɔrɛlambu na to nna na.

1 Kronikɛls 6:33

Le nɛ basa nɛ baa boŋ nshɛ na be kaman to ebi lar. Kohaf be kabuna be basa nɛ b daa la beshɛbompo na nde. Hɛman e daa la beshɛbompo be katuŋ juŋkparso na be ejuŋkparpo. Jeekɔb be kaman to ebi e daa la mo. Mo tuto e daa la Jowɛl nɛ Jowɛl malɛ mo tuto daa la Samuɛl,

1 Kronikɛls 6:35

Toa mo tuto e daa la Zuuf nɛ Zuuf mo tuto la Ɛlkana nɛ Ɛlkana mo tuto daa la Mahaf nɛ Mahaf mo tuto daa la Amasai nɛ Amasai mo tuto daa la

2 Kronikɛls 29:11

Ma mbinyɛnsobi, men sa maa jija saŋɛ, ŋkpal manɛ so, menyi nɛ Enyɛnpe Ebɔrɛ na lara fanɛ men baa chɔɔ duwu a sa mo nsaa juŋkpar basa nɛ b baa shuŋ mo.”

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 30:7

Ɛɛrɔn baŋ ba nɛ e ba lɔŋɛ efitila na so, kachipurso kikɛ a daga fanɛ e chɔɔ duwu nɛ amo be efɛa wɔ ebel na bɔrɛsure na so.

Levitikɔs 1:7

Kumo alɛ be kaman nɛ bɔrɛmatapoana na malɛ e bela ndibi n deŋi bɔrɛsure na so n nya edɛ n wɔtɔ amo to

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 16:17

Yili jemanɛ nɛ Ɛɛrɔn beeŋ luri acheembiana to be kakpa cheembi na to nɛ e ya wora kenyalɛso be kesheŋ wora na hale n ya fo e ka beeŋ lar, a maŋ daga esa kikɛ ka luri wajɛbu na to. E kaŋ wora loŋ n sa mo nɛ mbe kanaŋ nɛ efuli na kikɛ n loge na,

Levitikɔs 16:19

E beeŋ ta mbe keshilbi n nyɔ ŋklaŋ na to ŋ ŋmenyaŋ bɔrɛsure na so ale ashunu. Kananɛ e beeŋ wora nɛ bɔrɛsure na e nyalɛ so ashi Israɛl be basa na be alubi to nseŋ shin nɛ k ki cheembi nna na.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.