1 Kronikɛls 5:20 - EBƆRƐ BE KAWƆL

²⁰ B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

1 Kronikɛls 5:20 ပူးပေါင်းရင်းမြစ်များ

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Jɛnesis 49:19

Gad, beyu be katuŋ beeŋ ju m buu fo so, ama feeŋ kilgi n ju bumo so n ya lɛ.

1 Bewura 22:32

Amoso Siriya be benapo na ka wu ewura Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

1 Kronikɛls 5:21

B ka daŋ kɔ Hagebi na kena na, b daŋ sɔ bumo enyɔma ŋgboŋ adunu nɛ mbolpɔ ŋgboŋ alfa anyɔ nɛ adunu nɛ ekurma ŋgboŋ anyɔ nseŋ pɛ basa ŋgboŋ kalfa kena na to n yɔ bumo be efuli so.

1 Kronikɛls 5:22

Hag be basa damta daŋ wu kena na to nna ŋkpal Ebɔrɛ ka daŋ chɛ to ŋ kɔ bumo so. Ndoŋ nna nɛ Ruben nɛ Gad nɛ Manase be epeŋilarkpa be kaba so be basa sɔ bumo be efuli na n chena so n ya fo jemanɛ nɛ b pɛ bumo n yɔ Asiriya be efuli so.

2 Kronikɛls 13:18

Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

2 Kronikɛls 18:31

Amoso b ka wu Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

2 Kronikɛls 26:7

Ebɔrɛ e daŋ chɛ mo to nɛ e kɔ m pɔɔ Filistiebi nɛ Nlɔrbu nɛ b daa wɔ Gurbaal na nɛ Meuniebi nɛ b shi Edɔm be efuli so na kikɛ so.

2 Kronikɛls 33:13

Nɛ ewura Manase be asheŋ pɛ Ebɔrɛ kuwɔr nɛ e nu mbe kekule nseŋ shin nɛ e bɛta n yɔ Jerusalɛm n ya kaa ji mbe kuwura. Ndoŋ nɛ ewura Manase pin fanɛ Enyɛnpe na e la Ebɔrɛ.

Ɛzra 8:23

Ndoŋ nna nɛ an kishi ŋ kule Ebɔrɛ fanɛ e kuŋ anyi nɛ mo alɛ nu anyi be kekule.

Nshɛ 37:39

Enyɛnpe Ebɔrɛ na e naa kuŋ mbe basa, nsaa mɔlga bumo tɔrɔ be saŋɛ.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 9:10

Bumo nɛ b nyi fo na beeŋ ta bumo be yirda n deŋi fo so; Ŋkpal manɛ so, fo Enyɛnpe Ebɔrɛ na maŋ naŋ pal kama n sa bekama nɛ baa fin fo kikɛ.

Ɛksodɔs 17:11

Saŋkama nɛ Mosis baŋ maŋ mbe enɔana so, Israɛlebi na bee kɔ nna a pɔɔ so, ama saŋkama nɛ e baŋ bar mbe enɔana kaseto Amalɛkebi na e naa kɔ a pɔɔ so.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Jɛremaya 39:18

Meeŋ mɔlga fo nɛ b sa maŋ mɔ fo. Feeŋ nya ekpa n shile m mɔlga fo kumu ŋkpal fo ka ta fo yirda n wɔtɔ ma to so. Ma, Enyɛnpe Ebɔrɛ e kaŋɛ na.”

Danɛl 6:23

Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Joshuwa 10:14

Pɔɛŋ nɛ loŋ wora na, nɛ loŋ ka wora na be kaman m ba fo kabre, Enyɛnpe Ebɔrɛ maŋ naŋ wora loŋ n sa dimɛdi kikɛ. Kashenteŋto, Enyɛnpe Ebɔrɛ na e daa kɔ a sa Israɛlebi na!

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 23:10

Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

1 Samuɛl 19:15

B ka bɛta n ya kaŋɛ Sɔɔl loŋ, nɛ e kaŋɛ bumo fanɛ bumo gbagba e bɛta n ya wu Deevid kenishiso, nseŋ ponte ŋ kaŋɛ bumo le: “Men ya maŋ mo nɛ mbe gedo na kikɛ so m bar ma nfe nɛ m mɔ mo.”

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”