1 Kronikɛls 5:2 - EBƆRƐ BE KAWƆL

² Juda be yiri na e daa kɔ eleŋ ga, hale nɛ Israɛl be ejuŋkparpo gba bɔla kanaŋ na to m ba, ama amo nɛ amo kikɛ Josɛf be kanaŋ e nya kuwurkoŋ na be eyilikpa.

1 Kronikɛls 5:2 ပူးပေါင်းရင်းမြစ်များ

Jɛnesis 25:31

Nɛ Jeekɔb malɛ kaŋɛ mo: “Kumo ere, fo ta fo kekurge to be kenimu ere n sa ma pɔɛŋ nɛ n sa fo epo na.”

Jɛnesis 35:23

Lia be mbia e daa la, Ruben, Jeekɔb be wurkoŋ nɛ Simiɔn nɛ Livai nɛ Juda nɛ Isakar n ta Zɛbyulɔn m bɛ so lalaloge.

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Jɛnesis 49:26

Fo tuto be nɛfa nɛ e sa fo ere beeŋ ba shi a chɔ bedarapo na peya nɛ asɔ lela nɛ a shi a chɔɔ abeebi, nsaa wɔtɔ mbaanaayɔ na. Le be nɛfa ere kikɛ e baa wɔ Josɛf so ŋkpal e ka ki enimu ashi mo daana kikɛ so so.

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

Nshɛ 108:8

Fo yɛ, Giliad nɛ Manase be nsawule la feya nna; nɛ Efrayim la fanɛ fo kebɛlso be kusɔ kuŋkumuso, nɛ Juda malɛ la fanɛ fo kuwurkpabi.

Nshɛ 60:7

Fo yɛ Giliad nɛ Manase la feya nna, nɛ Efrayim la fo kebɛlso be kuwuro, nɛ Juda malɛ la fo kekpabi.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Nɔmbɛs 2:3

Juda be kanaŋ to ebi nɛ bumo be ejuŋkparpo e la Aminadab pibinyɛn Naashɔn, nɛ e bee juŋkpar bumo be kanaŋ to be benapo ŋgboŋ adushunu nɛ ana nɛ alfa ashe na, beeŋ yuu bumo be tuta n chena Enyɛnpe be wajɛbu na be epeŋilarkpa be kaba so.

Nɔmbɛs 7:12

Le nɛ bejuŋkparpoana na daŋ ta bumo be ŋkɛ m ba kebɛso kebɛso so: Aminadab pibinyɛn Naashɔn nɛ e shi Juda be yiri to na e daŋ bar mbe kakɛ kachɛ juŋkparso na. Nɛ Zuwa pibinyɛn Nataniɛl nɛ e shi Isaaka be yiri to na bar mo peya kachɛ nyɔsopo na. Nɛ Hɛlɔn pibinyɛn Eliab nɛ e shi Zebulun be yiri to na bar mo peya kachɛ sasopo na. Nɛ Shedur pibinyɛn Elizur nɛ e shi Ruben be yiri to na bar mo peya kachɛ nasopo na. Nɛ Zurishaddai pibinyɛn Shelumiɛl nɛ mo alɛ shi Simiɔn be yiri to na bar mo peya kachɛ nusopo na. Nɛ Duwɛl pibinyɛn Eliazaf nɛ e shi Gad be yiri to na bar mo peya kachɛ shesopo na. Nɛ Amihuud pibinyɛn Elishama nɛ e shi Efreim be yiri to na bar mo peya kachɛ shunusopo na. Nɛ Pɛdazur pibinyɛn Gamaliɛl nɛ e shi Manase be yiri to na bar mo peya kachɛ burwasopo na. Nɛ Gidiɔni pibinyɛn Abidan nɛ e shi Bɛnjamin be yiri to na bar mo peya kachɛ kpanusopo na. Nɛ Amishadai pibinyɛn Ahieza nɛ e shi Dan be yiri to na bar mo peya kachɛ kudusopo na. Nɛ Okran pibinyɛn Pagiɛl nɛ e shi Ashɛr be yiri to na bar mo peya kachɛ kudukakosopo na. Nɛ Eenan pibinyɛn Ahira nɛ mo alɛ shi Naftali be yiri to na bar mo peya kachɛ kudu anyɔsopo na. Ŋkɛ nɛ bumo be ekama daŋ bar na daŋ duli abar nna. Amo be ako e la gbiti be katishaŋ nɛ kumo be egbɛ la kilo nɛ bargato nɛ gbiti be katishaŋgboŋ nɛ kumo alɛ be egbɛ sa fanɛ kilo koŋwule na, nseŋ karga nyifu n ta ŋku ŋ gbiti amo n wɔtɔ ntishaŋ anyɔ na to n lara ayu be sargajibi n ta shuwa be katishambi nɛ kumo be egbɛ maŋ fo kilo be bargato gba nɛ duwu bɔlɔ kumo nɛ gbolu fɔlbi nɛ kpakpa nɛ k daŋ n yili nɛ kpakpafɔlbi nɛ k fo kafɛ nseŋ ta amo kikɛ n lara sarga chɔɔso. Kumo be kaman nɛ b ta kaboe n lara alubi be sarga nseŋ ta egbolu anyɔ nɛ ekpakpa anu nɛ mboe anu nɛ ekpakpafɔlbi nɛ b fo nfɛ koko anu n lara kɔnɔkoŋwule be sarga.

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Romebi 8:29

Bumo nɛ e chɛr a nyi koŋwule na nɛ e lara n yili fanɛ b baa du fanɛ mo Pibinyɛn na, saŋɛ na so, Ebinyɛn na beeŋ baa la bekurgepo damtaana na to be ejuŋkparso.

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

Hibruwebi 7:14

Ŋkpal manɛ so, k baŋ fuli nna fanɛ Juda be kanaŋ to nɛ an Nyɛnpe na lar. Mosis malɛ maŋ malga shɛŋ ŋ kaŋɛ fanɛ kanaŋ na ti bɔrɛmatapoana na so.

Joshuwa 14:6

Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”

Demujipoana 1:2

Nɛ Enyɛnpe Ebɔrɛ na kaŋɛ: “Juda be kabuna e naaŋ juŋkpar n yɔ, ŋkpal manɛ so, n teŋ ta kasawule na m bɔɔ bumo enɔ.”

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:10

Jɛsi daŋ keta mbia ashunu nna m ba Samuɛl kutɔ nɛ Samuɛl kaŋɛ mo le: “Enyɛnpe Ebɔrɛ na maŋ lara bede be ekama.”

1 Samuɛl 16:12

Nɛ Jɛsi shuŋi nɛ b ya tre Deevid m ba. E daŋ baŋ yili enyɛn nna a walɛ kayɛrbi ga nsaa kɔ eleŋ. Kebia na ka ba nɛ Enyɛnpe Ebɔrɛ kaŋɛ Samuɛl le: “Mo gbagba nna na. Ta ŋku n do mbe kumu so n lara mo nɛ e ki ewura.”