1 Kronikɛls 5:1 - EBƆRƐ BE KAWƆL

¹ Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

1 Kronikɛls 5:1 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 25:31

Nɛ Jeekɔb malɛ kaŋɛ mo: “Kumo ere, fo ta fo kekurge to be kenimu ere n sa ma pɔɛŋ nɛ n sa fo epo na.”

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 46:8

Jeekɔb be kanaŋ to ebi nɛ mo nɛ bumo daŋ yɔ Ijipt na be atre nde. Emo nɛ e juŋkpar n daa la mbe wurkoŋ Ruben.

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

1 Kronikɛls 2:1

Jeekɔb daa kɔ mbinyɛnsobi kuduanyɔ nna. Bumo e la Ruben nɛ Simiɔn nɛ Livai nɛ Juda nɛ Isaaka nɛ Zɛbyulɔn

1 Kronikɛls 26:10

Hoosa nɛ e shi Mɛrari be kabuna na daa kɔ mbinyɛnsobi ana nna. Bumo e la Shimri nɛ Hilkiya nɛ Tebaliya nɛ Zakareya. Hoosa daŋ ta Shimri nna ŋ ki bumo be ejuŋkparpo, ama mannɛ mo e daa la mbe wurkoŋ. Basa kuduasa e daŋ shi Hoosa be kanaŋ to a kuŋ bɔrɛlambu na.

Ɛksodɔs 6:14

Ruben nɛ e daa la Jeekɔb pibinyɛn wurkoŋ na be mbinyɛnsoana be atre e daa la Hanɔk nɛ Pallu nɛ Hesron nɛ Karmi. Bumo e ki Ruben be kanaŋ be mbunana na.

Levitikɔs 18:8

A maŋ daga fo tu fo tuto be eche kama n di keche nɛ kenyɛn m bar ŋaba mo so.

Levitikɔs 20:11

Nɛ enyɛn di mo tuto be eche, e ŋaba mo tuto nna na nɛ a daga fanɛ b mɔ mo nɛ eche na kikɛ. Bumo alɛ be luwu be turju beeŋ baa bɛ bumo.

Nɔmbɛs 1:5

Eyiri na to be benimu nɛ b lara fanɛ b chɛ to n shuŋ loŋ be kushuŋ na nde: Shedur pibinyɛn Elizur shi Ruben be yiri to

Nɔmbɛs 16:1

Kachako nɛ Iza pibinyɛn Koora nɛ e shi Livai be yiri to nsaa shi Kohaf be kabuna na tre Eliab be mbinyɛnsobi Deetan nɛ Abiram nɛ Pɛlɛf pibinyɛn Ɔɔn, nɛ mo nɛ bumo kre fanɛ b maaŋ naa nu a sa Mosis fanɛ ejuŋkparpo. Bumo nɛ Israɛl be basa alfa anyɔ nɛ adunu nɛ b la bejuŋkparpo nɛ basa bee sa bumo bunyaŋ ga na e daŋ wora kɔnɔ.

Nɔmbɛs 26:5

Ruben nɛ e daa la Jeekɔb be wurkoŋnyɛn na be yiri to ebi be mbuna e daa la Hanɔk nɛ Palu,

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Ditɛronɔmi 27:20

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ di mo tuto be beche to be ekama ŋ ŋaba mo na so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

Joshuwa 14:6

Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.