1 Kronikɛls 4:10 - EBƆRƐ BE KAWƆL

¹⁰ Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

1 Kronikɛls 4:10 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 28:21

nɛ n ya bɛta n yɔ n tuto pe nɛ eyur be alenfia, kumo ere Enyɛnpe na e naaŋ baa la ma Ebɔrɛ.

Jɛnesis 32:26

Ndoŋ nna nɛ kanyɛn na kaŋɛ Jeekɔb le: “Shin nɛ n yɔ, ŋkpal manɛ so, kare chɛ.” Nɛ Jeekɔb kaŋɛ mo: “M maaŋ shin nɛ fo yɔ ama fo baŋ nɛfa ma nna.”

Jɛnesis 32:27

Nɛ kanyɛn na bishi Jeekɔb: “Fo ketre?” Nɛ Jeekɔb kaŋɛ: “Ma ketre e la Jeekɔb.”

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

1 Kronikɛls 16:8

Men ta kechɔrɔ n sa Enyɛnpe Ebɔrɛ nsaa maŋ mbe ketregboŋ na so, men kaŋɛ basa mbe asheŋ woraso ŋ ŋini ekama.

1 Kronikɛls 4:11

Shuwa mo sipo Kelub pibinyɛn e daa la Mehiir. Eshtɔn malɛ mo tuto e daa la Mehiir.

1 Kronikɛls 4:9

Kanyɛn ko malɛ daa wɔtɔ nɛ baa tre mo Jabez nɛ e daa kɔ bunyaŋ ga ashi mbe kanaŋ to. Mo nio daŋ nase mo ketre ere nna ŋkpal e kaŋ daŋ nu ebesa mbe kakurge to so.

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Nshɛ 119:173

Wora shiriya n chɛ ma to, ŋkpal ŋ ka bee bɛ fo kusɔ nɛ fo yili so so.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 21:4

E kule fo ŋkpa tenteŋ nɛ fo sa mo ŋkpa nɛ k maŋ kɔ ekar.

Nshɛ 51:12

Shin nɛ ma kagbene e naŋ fuli ma fanɛ kananɛ k daa du saŋɛ so nɛ fo mɔlga ma na; nseŋ shin nɛ n naa sha kebaawora fo kasonu.

Nshɛ 51:8

Shin nɛ ma kagbene e fuli nɛ n ji eyur. Fo daŋ shin nɛ ma eyur buri ma nna ama naniere, shin nɛ n ji ma kumu.

Nshɛ 55:16

Ama n shu n tre Enyɛnpe Ebɔrɛ nɛ e mɔlga ma.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 30:8

Sa maŋ shin nɛ ŋ ki efɛpo Fo alɛ e sa maŋ shin nɛ m baa la etirpo ŋko damawura. Baa sa ma kacha kama be kusɔ jiso.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Matiu 26:75

Epul na to nɛ koshinyɛn boŋ nɛ Pita nyiŋi kusɔ nɛ Yesu daŋ kaŋɛ mo fanɛ: “Pɔɛŋ nɛ koshinyɛn e boŋ, feeŋ chɛ ale asa ŋ kaŋɛ fanɛ fo maŋ nyi ma.” Ndoŋ nna nɛ e lar kowu n ya shu ga.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.

Baru lela nɛ Jɔn kute na 10:28

Mee sa bumo ŋkpa nɛ k maŋ kɔ ekar na nɛ b sa maŋ wu kikɛ. Esa kama malɛ maaŋ tiŋ n suge bumo ashi ma enɔ to.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Romebi 16:19

Naniere esa kama nu menyi be kasonu be asheŋ, amoso, ma kagbene fuli ma ga ŋkpal menyi so. Ama mee sha fanɛ men baa kɔ kanyiasheŋ a yɔ kelela be kaplɛa so nna nsaa maa nyi shɛŋ a yɔ alubi be kaplɛa so.

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

1 Samuɛl 1:17

Nɛ Eli kaŋɛ le: “Israɛl be Ebɔrɛ na e wora kusɔ kama nɛ fo kule mo ere n sa fo. Ebɔrɛ e yɛr fo nɛ alenfia.”

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 1:27

Ŋ kule Enyɛnpe Ebɔrɛ kebia ere nna nɛ mo alɛ sa ma kusɔ nɛ ŋ kule na gbagba.