1 Kronikɛls 3:15 - EBƆRƐ BE KAWƆL

¹⁵ Josaya daa kɔ mbinyɛnsobi ana nna. Bumo e la Johanan nɛ Jehowakim nɛ Zɛdekaya nɛ Shallɔm.

1 Kronikɛls 3:15 ပူးပေါင်းရင်းမြစ်များ

2 Bewura 23:31

Jehowahaz daa la nfɛ adunyɔ nɛ asa nna pɔɛŋ nseŋ ji Juda be kuwura nseŋ ji kuwura afɔl asa ashi Jerusalɛm to. Mo nio e daa la Hamutal nɛ e la Jɛremaya nɛ e shi Libna na pibiche.

2 Bewura 23:34

Ewura Neeko daŋ shin nɛ Josaya pibinyɛn Eliakim ki Juda be ewura nna nɛ e chɛrga mbe ketre ŋ ki Jehowakim. Ewura Neeko daŋ keta Jehowahaz bre nna n yɔ Ijipt be efuli so nɛ e ya wu ndoŋ.

2 Bewura 24:17

Ewura Nebukadneeza daŋ shin nna nɛ Jehowachin mo wɔpa Mataniya ki Juda be ewura nɛ e chɛrga mbe ketre ŋ ki Zɛdikaya.

1 Kronikɛls 3:14

Ammɔn nɛ Josaya.

1 Kronikɛls 3:16

Jehowakim malɛ daa kɔ mbinyɛnsobi anyɔ. Bumo e la Jehowachin nɛ Zɛdekaya.

2 Kronikɛls 36:1

Ewura Josaya ka wu be kaman nɛ Juda be basa lara mo pibinyɛn Jehowahaz ŋ ki Juda be ewura.

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Jɛremaya 1:3

Kumo be kaman nɛ Ebɔrɛ naŋ malga n sa mo jemanɛ nɛ Josaya wu nɛ mo pibinyɛn nɛ baa tre Jehowakim na sɔ mo so a ji kuwura na. Enyɛnpe Ebɔrɛ na kraŋ naŋ malga Jɛremaya kutɔ ale damta, hale n ya fo Josaya pibinyɛn nɛ baa tre Zɛdikaya na be kuwurji be saŋɛ be kafɛ kudukakosopo to be kufɔl nusopo na to. Loŋ be kufɔl na to nɛ bedoŋ daŋ ba kɔ m pɛ Jerusalɛm to be basa n yɔ kenyaya to ashi efuli pɔtɛ wɔfɔ wɔfɔ so.

Jɛremaya 22:11

Ŋkpal manɛ so, kusɔ nɛ Enyɛnpe Ebɔrɛ na kaŋɛ a laŋɛ Jehowahaz nɛ e la ewura Josaya pibinyɛn nseŋ daŋ ba sɔ mo tuto so n ji kuwura ashi Juda be efuli so na be kaplɛa so nde. E yɛ: “Ma, Enyɛnpe Ebɔrɛ na e nase kɔnɔ fanɛ e beeŋ ya wu ndoŋ nsaa maaŋ naŋ wu mo gbagba be kasawule kenishiso kikɛ.”

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Jɛremaya 24:8

Ama asɔrso nɛ e maŋ walɛ keji na malɛ yili nna n sa Juda be ewura Zedekiya nɛ mbe benimuana nɛ basa nɛ b ka kasawule na so nɛ bumo nɛ b shile n yɔ Ijipt be efuli so na nna.

Jɛremaya 26:1

Ewura Josaya pibinyɛn, Jehowakim ka ji Juda be efuli so be kuwura, k maŋ chɛr ko nɛ Enyɛnpe Ebɔrɛ na kaŋɛ ma le.

Jɛremaya 37:1

Babilɔn be ewura Nebukadneeza daŋ lara ewura Jehowakim pibinyɛn Jehowachin kuwura to nna nseŋ buu ewura Josaya pibinyɛn, Zɛdikaya Juda be efuli so be kuwura.