1 Kronikɛls 3:1 - EBƆRƐ BE KAWƆL

^1-3 Saŋɛ so nɛ Deevid daa wɔ Hibrɔn na, mbinyɛnsobi ashe nɛ e daŋ kurge. Kananɛ b bɛ abar so kenimu kenimuso nde: Mo pibi nɛ e juŋkpar e la Ammɔn nɛ mo nio daa la Ahinɔam nɛ e shi Jizreel na. Emo nɛ e bɛ so enyɔsopo e la Danɛl nɛ mo nio daa la Abigɛl nɛ e shi Kamɛl na. Emo nɛ e bɛ so esasopo e la Absalɔm nɛ mo nio daa la Maaka nɛ e daa la Gɛshur be ewura Talmai pibiche na. Emo nɛ e bɛ so enasopo e la Adonija nɛ mo nio daa la Hagif na. Emo nɛ e bɛ so enusopo e la Shefatiya nɛ mo nio daa la Abitaal na. Emo nɛ e bɛ so eshesopo e la Itriam nɛ mo nio daa la Egla na

1 Kronikɛls 3:1 ပူးပေါင်းရင်းမြစ်များ

2 Samuɛl 13:1

Deevid pibinyɛn Absalɔm daa kɔ mo sipoche lela kebita ko nɛ baa tre mo Tamaa. Deevid pibinyɛn ko malɛ nɛ baa tre Amnɔn na daa sha Tamaa na nna.

2 Samuɛl 13:29

Ndoŋ nna nɛ nyɛrbi na bɛ kusɔ nɛ Absalɔm kaŋɛ bumo na so nseŋ mɔ Amnɔn. Nɛ ewura na be mbinyɛnbi nɛ Absalɔm tre na kikɛ ta bumo be ekurma nɛ enyɔma n shile n choŋ ŋ ka mo ndoŋ.

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

2 Samuɛl 5:13

Pɔɛŋ nɛ Deevid lar Hibrɔn m ba Jerusalɛm na, e daŋ ta bejipo nɛ beche nna n ti bumo nɛ e daa kɔ na so nseŋ kurge mbinyɛnbi nɛ mbichebi damta.

1 Kronikɛls 2:55

Salma e daa la Jabez be kabuna ebi na bumo nananyɛn mo nɛ e daa sibɛ bumo be demuji be asheŋ nɛ abane be asheŋ kikɛ a nase. Bumo e daa la, Tirafebi nɛ Shimitebi nɛ Sukaebi. Bumo nɛ Rekabebi kikɛ daa la Haamaf nɛ e la Kɛn be esa na be kenana nna.

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

Joshuwa 15:56

nɛ Jezreel nɛ Jokdiim nɛ Zanua

1 Samuɛl 27:3

Deevid nɛ mbe basa na nɛ bumo be nnaŋ to ebi kikɛ e daŋ ya ka wɔ Gaaf. Deevid be beche anyɔ na gba daŋ ti so. Bumo e la Ahinɔam nɛ e shi Jizreel na, nɛ Abigɛl nɛ e daa la Nabaal nɛ e shi Kamɛl na be eche.