1 Kronikɛls 29:9 - EBƆRƐ BE KAWƆL

⁹ Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

1 Kronikɛls 29:9 ပူးပေါင်းရင်းမြစ်များ

1 Bewura 8:61

Men ta men be ŋgbene kikɛ a bɛ Enyɛnpe men be Ebɔrɛ na be mbra so fanɛ kananɛ menyee wora kabre ere.”

2 Bewura 12:5

E yɛ: “Bɔrɛmatapowura kikɛ kɔ ekpa nɛ e ta amansherbi na be ako ŋ ka bɔrɛlambu na be kelɔnɛ be kukɔ kama.”

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

2 Kronikɛls 17:16

Enimu sasopo e daa la Zikri pibinyɛn Amaziya nɛ mo alɛ daa keni benapo ŋgboŋ alfa anyɔ so. Amaziya daŋ lara mbe kumu nna n yili fanɛ e beeŋ shuŋ Enyɛnpe Ebɔrɛ.

2 Kronikɛls 24:10

Nɛ benimuana na nɛ basa na kikɛ shuli kumo be loŋ nseŋ ta bumo be amansherbi m ba kaa wɔtɔ deka na to hale nɛ k ya bɔlɔ.

2 Kronikɛls 31:8

Ewura Hɛzekaya nɛ mbe benimuana ka wu kananɛ basa na sa na, nɛ b di Enyɛnpe Ebɔrɛ epaŋ nseŋ chɔrɔ Israɛlebi gba.

Ɛzra 1:6

Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Luuk 15:6

Nɛ e baŋ ba epe e beeŋ tre mo teriana nɛ mbe bechenashapoana ŋ kaŋɛ bumo le: ‘Men chɛ ma to nɛ n ji ma kumu, ŋkpal manɛ so, ma kubolpɔ daŋ foe nna, ama n naŋ wu kumo.’

Baru lela nɛ Jɔn kute na 15:11

Ŋ kaŋɛ menyi kesheŋ ere nna nɛ kagbenefuli nɛ mee sa na e baa wɔ menyi to, saŋɛ na so, menyi be ŋgbene beeŋ fuli menyi m baŋ so.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 8:3

Ma alɛ e kaŋɛ menyi kashenteŋto na fanɛ b sa kananɛ b tiŋ hale n ya baŋ kananɛ bumo be eleŋ sa gba so.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Filipaiebi 4:10

Ma kagbene bee fuli ma ga ashi Enyɛnpe to fanɛ men ka naŋ lɔŋɛ n fara nɛ men chɛ ma to so. Kashenteŋto, ma asheŋ wɔ men be ŋgbene to, ama ekpa nɛ men maŋ nya nɛ men ŋini kumo be loŋ.

Demujipoana 5:9

Mee maŋkura fo nna, Enyɛnpe Ebɔrɛ; ma alɛ bee di epaŋ nna ŋkpal bejuŋkparpo nɛ benapo nɛ b fuli kagbene n lar m ba kɔ na so.