1 Kronikɛls 29:23 - EBƆRƐ BE KAWƆL

²³ Amoso Sɔlɔmɔn e daŋ sɔ mo tuto so n ji kuwura nɛ Enyɛnpe Ebɔrɛ yili n sa bumo na, nɛ asheŋ nite nɛnɛ nɛ Israɛl be efuli na so ebi kikɛ bee nu a sa mo.

1 Kronikɛls 29:23 ပူးပေါင်းရင်းမြစ်များ

1 Bewura 1:13

nɛ fo yɔ ewura Deevid kutɔ n ya bishi mo le: ‘Yiramu, fo maŋ nase kɔnɔ n sa ma fanɛ fo kaman m pibinyɛn Sɔlɔmɔn e naaŋ ba ji kuwura a? Nɛ manɛ e ba nɛ Adonija teŋ ta mbe kumu ŋ ki ewura naniere?’

1 Bewura 1:30

kɔnɔ nɛ n nase ashi Enyɛnpe Israɛl be Ebɔrɛ na be ketre to fanɛ ma kaman Sɔlɔmɔn e naaŋ ki ewura na, beeŋ bɔlɔ so.”

1 Bewura 1:35

Men kaŋ wora loŋ n loge nɛ men bar mo nfe nɛ e ba chena ma kuwurputi so n yili ma katelamu to a ji kuwura, ŋkpal manɛ so, mo nɛ n lara fanɛ e baa la Israɛl nɛ Juda be efuliana kikɛ so be ewura.”

1 Bewura 1:46

Naniere Sɔlɔmɔn e ki ewura.

1 Bewura 2:12

Sɔlɔmɔn e daŋ sɔ mo tuto ewura Deevid so n ji kuwura nɛ mbe kuwurji malɛ ji eleŋ ga.

2 Bewura 11:19

Ade kikɛ be kaman nɛ benapo be benimuana nɛ Jerusalɛm be kade to be benimuana nɛ ekrachiana nɛ basa nɛ b ka na kikɛ ba Jehowada kutɔ nɛ b bɛ abar so n ya keta ewura na bɔrɛlambu na to m ba ewura be laŋ to. Kabunagboŋ na to nɛ b daŋ bɔla n luri laŋ na to nɛ ewura na ya chena mbe kuwurputi so.

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

1 Kronikɛls 29:24

Benimuana nɛ benapo na nɛ ewura Deevid be mbinyɛnsobi na kikɛ daŋ nase kɔnɔ fanɛ baaŋ baa nu a sa mo fanɛ bumo be ewura.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

2 Kronikɛls 1:8

Nɛ ewura Sɔlɔmɔn kaŋɛ Enyɛnpe na le: “Kasha nɛ fo kɔ n sa fo kayɛrbi, n tuto Deevid maa chɛrga kikɛ. Naniere fo alɛ ta ma n tal mbe katelamu to nɛ ŋ ki ewura.

2 Kronikɛls 23:20

Ade kikɛ be kaman nɛ benapo be benimuana nɛ Juda be kade to be benimuana nɛ ekrachiana nɛ basa nɛ b ka na kikɛ ba ewura Jehowada kutɔ nɛ b bɛ abar so n ya keta ewura na bɔrɛlambu na to m ba ewura be laŋ to. Kabunagboŋ na to nɛ b daŋ bɔla n luri laŋ na to nɛ ewura na ya chena mbe kuwurputi so.

2 Kronikɛls 9:30

Nfɛ adena nɛ Sɔlɔmɔn daŋ ji Israɛl be kasawule so kikɛ be kuwura ashi Jerusalɛm to.

2 Kronikɛls 9:8

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal e ka bee sha mbe basa Israɛlebi nsaa sha kebaakuŋ bumo saŋkama nɛ so e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Aŋasa 1:1

Israɛl be ewura Sɔlɔmɔn nɛ e la Deevid pibinyɛn na be aŋasa nde.

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

Ditɛronɔmi 34:9

Pɔɛŋ nɛ Mosis wu na, e daŋ lara Nun pibinyɛn, Joshuwa nna nɛ e sɔ mo ere Mosis so a juŋkpar basa na. Mosis daŋ ta mbe enɔana n deŋi Joshuwa so nna ŋ kule Ebɔrɛ n sa mo, nɛ Enyɛnpe Ebɔrɛ na sa mo kanyiasheŋ ga. Israɛl be basa na malɛ daŋ wora Joshuwa kasonu nna nseŋ daa bɛ mbraana nɛ Enyɛnpe Ebɔrɛ na bɔla Mosis so n ta n sa bumo na so.