1 Kronikɛls 29:12 - EBƆRƐ BE KAWƆL

¹² Fo e naa sa basa kedamaya nɛ eleŋ nɛ kemaŋkura. Fo gbagba be eleŋ nɛ yuku so nɛ fee ji kusɔ kama so kuwura.

1 Kronikɛls 29:12 ပူးပေါင်းရင်းမြစ်များ

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

2 Kronikɛls 1:12

Meeŋ sa fo kanyiasheŋ nɛ nfɛra nseŋ naŋ ta kedamaya nɛ amansherbi n ti fo so. Ma alɛ beeŋ shin nɛ fo ketre e dii a chɔ bewura kama nɛ b juŋkpar fo nɛ bumo nɛ baaŋ bɛ fo so kikɛ.”

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

2 Kronikɛls 32:29

Ebɔrɛ daŋ shin nna nɛ ewura Hɛzekaya dii dama ga n tɔ mbolpɔ nɛ mboe nɛ ana n ti so nseŋ pɔr nde damta.

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Job be kawɔl 9:19

Nɛ kela fanɛ eleŋ nna, Ebɔrɛ kɔ eleŋ a chɔ ma! Nɛ kela asheŋ be keji malɛ gba nna, wanɛ e naŋ tiŋ n tre Ebɔrɛ demujikpa?

Nshɛ 103:19

Ebɔrɛ taŋɛ mbe kuwurji ebɔrɛso nna, mo alɛ nsaa ji kuwura asɔ toso kikɛ so.

Nshɛ 28:8

Enyɛnpe Ebɔrɛ na e naa sa mbe basa eleŋ. Mo e naa kuŋ nsaa mɔlga mbe ewura laraso.

Nshɛ 29:1

Menyi emalaika nɛ men wɔ ebɔrɛso e di Enyɛnpe Ebɔrɛ na epaŋ, ŋkpal mbe kemaŋkura nɛ eleŋ so.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 8:18

Ŋ kɔ kedamaya, nɛ kemaŋkura, nɛ anishito be keyɔ, nɛ kɔŋkɔŋ be keji be kebaawɔtɔ nna a sa basa.

Kaŋinichiŋgeliŋ 5:19

Nɛ Ebɔrɛ baŋ shin nɛ fo dii dama nseŋ nya asɔ nseŋ naŋ sa fo ekpa fanɛ fo ji amo be ebel, kumo ere a daga fanɛ fo baa ji a chɔrɔ mo ŋkpal tɔnɔ nɛ fo shuŋ n nya so. K la Ebɔrɛ be kakɛ nna.

Aizaaya 40:29

Enyɛnpe Ebɔrɛ na e naa sa bekama nɛ b maŋ kɔ eleŋ nseŋ gben a chul to na eleŋ.

Aizaaya 43:13

Ma e la Ebɔrɛ nɛ e wɔtɔ mbaanaayɔ na. Esa kikɛ maaŋ tiŋ ŋ gberge menyi n suge ma enɔ to; ŋko ŋ kuŋ ma ekpa nɛ m maaŋ tiŋ n wora kusɔ nɛ mee sha.”

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Danɛl 2:20

“Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

Joshuwa 4:24

Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.