1 Kronikɛls 29:11 - EBƆRƐ BE KAWƆL

¹¹ Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

1 Kronikɛls 29:11 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Job be kawɔl 37:22

Ama Enyɛnpetale Ebɔrɛ na be kemaŋkura fulto a nyɛkpɛ a chɔ epeŋi ga.

Nshɛ 10:16

Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 103:19

Ebɔrɛ taŋɛ mbe kuwurji ebɔrɛso nna, mo alɛ nsaa ji kuwura asɔ toso kikɛ so.

Nshɛ 104:1

Ma kagbene kikɛ nɛ n ta a kpaŋ fo, Enyɛnpe Ebɔrɛ na, ŋkpal manɛ so, kemaŋkuragboŋ nɛ kela kikɛ buu fo fanɛ kuwurpiŋi nna,

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 29:4

Enyɛnpe Ebɔrɛ na be ebɔl kɔ eleŋ nna; nɛ mbe kamalga kɔ yuku kumo to.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 47:9

Durnya be bejuŋkparpo kikɛ ba abar so nna m ba ki an nananyɛn Eebraham be Ebɔrɛ na be basa. Durnya to be bewura kikɛ la Ebɔrɛ peya nna. Kemaŋkura e baa la Ebɔrɛ na peya.

Nshɛ 57:11

Enyɛnpe Ebɔrɛ shin nɛ fo keshi e choŋ so esoso so nɛ fo kemankura e baa wɔ durnya be kaplɛkama.

Nshɛ 57:5

Shin nɛ basa e wu fo aworbigboŋ ashi awɔlpa to, nɛ fo kemaŋkuragboŋ ashi kasawule so kikɛ.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 89:11

Ebɔrɛso nɛ kasawule so kikɛ la feya nna; fo e to durnya nɛ kusɔ kama nɛ k wɔ kumo to.

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Nshɛ 97:9

Ŋkpal manɛ so, fo, Enyɛnpe Ebɔrɛ na e naa ji kuwura durnya kikɛ ebi so. Fo alɛ shi ga a chɔ agbirana kikɛ.

Nshɛ 98:1

Men boŋ kashɛ popɔr n sa Enyɛnpe Ebɔrɛ na! Mo e ta mbe enɔ lempo cheembi na n wora emamachisheŋ ŋ kɔ m pɔɔ so na.

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Danɛl 2:20

“Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Danɛl 4:3

Ebɔrɛ be etumasesheŋ shibi ga nɛ mbe emamachisheŋ bee mɔ kɔnɔ. Mbe kuwurji wɔtɔ nna hale mbaanaayɔ.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Joshuwa 3:11

Enyɛnpe nɛ e la durnya kikɛ be Ebɔrɛ na be ŋkre be deka na beeŋ juŋkpar menyi n yuu Jɔɔdan be lɔr na to.

Joshuwa 3:13

Saŋɛ na so bɔrɛmatapoana nɛ b sulɔ Enyɛnpe Ebɔrɛ nɛ e to durnya kikɛ na be ŋkre be deka na, be aya kaŋ baŋ yuu nchu na to, Jɔɔdan be lɔr na beeŋ ku to nɛ nchu nɛ a shil a ba e laŋɛ ŋ gbargbar n yili kaboŋ koŋwule fanɛ kebee na.”

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 19:1

Ade be kaman nɛ n nu kusɔ ko fanɛ jimaŋ damta ko be ebɔlana ka shi ebɔrɛso a boŋ to awɔrso a kaŋɛ le: “Halleluya. Kumɔlga nɛ kemaŋkura nɛ eleŋ la an be Ebɔrɛ na peya nna.

1 Samuɛl 15:29

Israɛl be Ebɔrɛ nɛ e kɔ kemaŋkura na maa ku efɛ ŋko a chɛrga mbe nfɛra, ŋkpal manɛ so, e maŋ la dimɛdi.”