1 Kronikɛls 29:10 - EBƆRƐ BE KAWƆL

¹⁰ Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

1 Kronikɛls 29:10 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

1 Bewura 8:15

Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

1 Kronikɛls 29:9

Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

2 Kronikɛls 31:8

Ewura Hɛzekaya nɛ mbe benimuana ka wu kananɛ basa na sa na, nɛ b di Enyɛnpe Ebɔrɛ epaŋ nseŋ chɔrɔ Israɛlebi gba.

2 Kronikɛls 6:4

Le nɛ e daŋ kaŋɛ: “Kapandi e baa la Enyɛnpe Ebɔrɛ nɛ e la Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo fanɛ,

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nshɛ 138:1

Meeŋ ta ma kagbene kikɛ ŋ kpaŋ fo; O Enyɛnpe Ebɔrɛ; meeŋ boŋ nshɛ ŋ kpaŋ fo ashi emalaika be anishito.

Nshɛ 146:2

Meeŋ boŋ nshɛ ŋ kpaŋ Enyɛnpe Ebɔrɛ na saŋɛ nɛ n wɔ ŋkpa to ere.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 89:52

Men baa kpaŋ Enyɛnpe Ebɔrɛ na mbaanaayɔ! Amɛn! Amɛn!

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Ezikɛl 3:12

Ndoŋ nna nɛ Ebɔrɛ be Kiyoyu maŋ ma so n yɔ esoso, nɛ n nu ebɔl ko ka bee ponte awɔrso fanɛ bɔrɛ ka ponte na ma kaman to a kaŋɛ le: “Enyɛnpe Ebɔrɛ na be kemaŋkura e baa nya bunyaŋ ashi ebɔrɛso!”

Danɛl 2:20

“Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Luuk 11:3

Baa sa anyi ajibi nɛ a daga kachɛ kama.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 32:3

Meeŋ fur Enyɛnpe Ebɔrɛ na be ketre, nɛ mbe basa e malga mbe keshi be asheŋ.

Filipaiebi 4:20

Kemaŋkura e baa wɔ Ebɔrɛ an Tuto na so mbaanaayɔ. Amɛn.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

Kelaraŋŋini 5:12

nsaa boŋ le awɔrso a kaŋɛ: “Kpakpafɔlbi nɛ b mɔ na e daga nɛ e nya eleŋ nɛ dama nɛ kanyiasheŋ nɛ kuwibi to be eleŋ nɛ bunyaŋ nɛ kemaŋkura nɛ epaŋ be kedi.”