1 Kronikɛls 28:21 - EBƆRƐ BE KAWƆL

²¹ Bɔrɛmatapoana nɛ Livaiebi na tea nyi ashuŋ nɛ baaŋ shuŋ bɔrɛlambu na to. Basa kama nɛ b kɔ enɔ to be kushuŋ be kenyi na gba kikɛ wora shiriya fanɛ baaŋ chɛ to n shuŋ kushuŋ na. Kusɔ kama malɛ nɛ fo kaŋɛ basa na nɛ bumo be bejuŋkparpoana fanɛ b wora, baaŋ wora.”

1 Kronikɛls 28:21 ပူးပေါင်းရင်းမြစ်များ

1 Kronikɛls 26:26

Shelomif nɛ mo kurgepoana e daa keni ŋkɛ kama nɛ ewura Deevid nɛ kanaŋ be benimuana nɛ mbuna be bejuŋkparpoana nɛ benapo be benimuana ta m ba sa Ebɔrɛ na so.

1 Kronikɛls 28:13

Ewura Deevid daŋ naŋ ŋini mo kananɛ e beeŋ barga bɔrɛmatapoana nɛ Livaiebi na to ntuŋ ntuŋ so nɛ b baa shuŋ bumo be ashuŋ bɔrɛlambu na to nsaa keni bɔrɛlambu na to be asɔ nɛ b kɔ a shuŋ Enyɛnpe Ebɔrɛ na so na nna.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Ɛksodɔs 31:3

nɛ n ta ma kiyoyu n wɔtɔ mo to nseŋ sa mo kasɔwora kikɛ be kenyi nɛ ketiŋ n wora be eleŋ nɛ kasɔlɔŋɛ be kepinto kikɛ nyam be nfɛra na.

Ɛksodɔs 35:25

Bumo to be beche nyiashempo nɛ b nyi kafɛaŋ na kikɛ daŋ bar ago be ejese lela nɛ ejese nɛ a la buru nɛ ejese peper kpaw nɛ ejese peper kunɔkunɔ nɛ ago be wajɛchɛbi mɔlmɔlbi nɛ kusɔbɔya be afuibi peper nna.

Ɛksodɔs 36:1

Besalɛl nɛ Oholiab nɛ bekama nɛ mo ere Enyɛnpe Ebɔrɛ na sa kenyi nɛ kepinto nɛ b nyi kusɔ kama nɛ k daga fanɛ b wora a laŋɛ wajɛbu cheembi na be kaplɛa so na beeŋ wora asheŋ kananɛ Enyɛnpe Ebɔrɛ na kaŋɛ gbagba chap.

Ɛksodɔs 36:2

Kumo be kaman nɛ Mosis tre Besalɛl nɛ Oholiab nɛ benyiashempo kama nɛ Enyɛnpe Ebɔrɛ sa kasɔwora be kenyi nɛ basa nɛ baa sha kechɛto n shuŋ na kikɛ ŋ kaŋɛ bumo fanɛ b fara kushuŋ na.

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.