1 Kronikɛls 28:20 - EBƆRƐ BE KAWƆL

²⁰ Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 28:20 ပူးပေါင်းရင်းမြစ်များ

1 Bewura 6:38

Ewura Sɔlɔmɔn ka ji kuwura be kafɛ kudukakosopo to, nɛ Hibruwebi be kafɛ to be kufɔl burwasopo nɛ baa tre Buul na to nɛ b pɔr bɔrɛlambu na n loge fanɛ kananɛ b kre na gbagba chap. Nfɛ ashunu nɛ ewura Sɔlɔmɔn daŋ ta m pɔr bɔrɛlambu na n loge.

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 28:10

Baa nyi fanɛ Enyɛnpe Ebɔrɛ na e lara fo fanɛ fo pɔr mbe bɔrɛlambu cheembi na n sa mo. Amoso a daga fo ka nya kagbene m pɔr kumo nɛnɛ.”

2 Kronikɛls 19:11

Bɔrɛmatapowura nimuso Amariya e naaŋ baa ji kabɔrɛshuŋ be kaplɛa so be asheŋ to, nɛ Zebadiya nɛ e la Ishmaɛl pibinyɛn nɛ e la Juda be gomena na malɛ e baa ji asheŋ nɛ a ka na to. Livaiebi na malɛ e naŋ baa keni nɛ kananɛ b nase asheŋ na a shuŋ. Men ba leŋ men be amu to nsaa bɛ keŋini ere so nɛ Enyɛnpe Ebɔrɛ e baa wɔ bekama nɛ b kɔ kashenteŋ be kaman!”

Ɛzra 10:4

Kusɔ kama bɔɔ fo enɔ nna na, amoso, koso to nɛ an pɛ fo kashɛr to. Baa kɔ kenyɛn nɛ kusɔ kama e nyalɛ.”

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:13

Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Heegai 1:13

Kumo be kaman nɛ anebi Heegai kaŋɛ basa na le: “Enyɛnpe Ebɔrɛ na nase kɔnɔ ŋ kaŋɛ le: ‘Meeŋ baa wɔ menyi kutɔ.’ ”

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”