1 Kronikɛls 28:2 - EBƆRƐ BE KAWƆL

² Ewura Deevid daŋ niŋito nna n yili bumo be anishito nseŋ kaŋɛ bumo le: “Ma basa, men nu nfe. N daa sha kepɔr bɔrɛlambu nɛ ŋkre be deka na beeŋ baa wɔtɔ ndoŋ nna mbaanaayɔ, saŋɛ na so anyeeŋ baa yɔ ndoŋ n ya ka bunyaŋ Enyɛnpe Ebɔrɛ na. N wora asɔ kama nɛ a daga fanɛ an ta m pɔr loŋ be bɔrɛlambu na be shiriya

1 Kronikɛls 28:2 ပူးပေါင်းရင်းမြစ်များ

Jɛnesis 48:2

Josɛf ka ya fo ndoŋ nɛ b kaŋɛ Jeekɔb le: “Fo kutɔ nɛ fo pibinyɛn Josɛf ba na.” Nɛ e wora ania n niŋi to n chena mbe edesekpa, nseŋ kaŋɛ Josɛf le:

1 Bewura 1:47

Hale ewurkpa be benimuana na ya chɔrɔ ewura Deevid nseŋ kaŋɛ mo le: ‘Fo Ebɔrɛ na e shin nɛ Sɔlɔmɔn be kuwurji e baa kɔ eleŋ a chɔ feya, nseŋ shin nɛ mbe ketre gba e dii a chɔ feya, nɛ mbe kedamaya gba e ba chɔ feya.’ Nɛ Ewura Deevid gba chena gedo so ŋ kurge kumu n yuu to

1 Bewura 5:3

“Fo gbagba nyi fanɛ ŋkpal ana damta nɛ n tuto ewura Deevid kɔ mo doŋana na so, e daa maŋ tiŋ m pɔr bɔrɛlambu nɛ baaŋ baa bunyaŋ Enyɛnpe Ebɔrɛ kumo to na hale n ya fo saŋɛ nɛ Enyɛnpe Ebɔrɛ shin nɛ e pɔɔ mo doŋana kikɛ so.

1 Kronikɛls 17:4

“Ya kaŋɛ ma kayɛrbi Deevid fanɛ ma Enyɛnpe Ebɔrɛ e naa kaŋɛ mo na fanɛ mannɛ mo nɛ mee sha fanɛ e pɔr bɔrɛlambu n sa ma nɛ m baa wɔtɔ.

1 Kronikɛls 22:14

N wora ania n gama asɔ damta nɛ a daga fanɛ b ta m pɔr bɔrɛlambu na abar so. Ŋ kɔ shuwa nɛ amo be egbɛ sa fanɛ kilo ŋgboŋto ŋgboŋto be ŋgboŋ asa nɛ ŋgboŋ alfa ana, nɛ gbiti nɛ amo alɛ be egbɛ sa fanɛ kilo ŋgboŋto ŋgboŋto be ŋgboŋ adesa nɛ ana, nɛ fo ta n lɔŋɛ bɔrɛlambu na. Ŋ kɔ ndibi nɛ ajembu lela nɛ danyaŋ nɛ abɛlso damta nɛ maaŋ tiŋ ŋ karga amo be egbɛ gba. Ama fo alɛ gba kraŋ beeŋ tiŋ m bishi kusɔ kama nɛ fee sha n ti so.

1 Kronikɛls 22:6

Ndoŋ nna nɛ ewura Deevid shuŋi n tre mo pibinyɛn Sɔlɔmɔn ŋ kaŋɛ mo fanɛ e pɔr bɔrɛlambu n sa Enyɛnpe, Israɛl be Ebɔrɛ na.

1 Kronikɛls 22:7

Le nɛ Deevid kaŋɛ mo: “M pibinyɛn, n daa sha fanɛ m pɔr bɔrɛlambu nna m maŋkura Enyɛnpe Ebɔrɛ na.

1 Kronikɛls 6:31

Saŋɛ so nɛ ewura Deevid shin nɛ b ta ŋkre be deka na n yɔ Jerusalɛm na, e daŋ lara basa ko nna fanɛ bumo e naŋ baa boŋ nshɛ nsaa laŋ alaŋsɔ ashi kakpa nɛ baa bunyaŋ Eyɛnpe Ebɔrɛ na.

2 Kronikɛls 6:7

Kumo be kaman nɛ ewura Sɔlɔmɔn kaŋɛ le: “N tuto ewura Deevid e daŋ yili kumo fanɛ e beeŋ pɔr bɔrɛlambu nɛ b baa bunyaŋ Enyɛnpe nɛ e la Israɛl be Ebɔrɛ na ndoŋ,

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Nshɛ 132:14

E yɛ: “Kakpa nɛ meeŋ baa wɔ mbaanaayɔ nde; kakpa nɛ meeŋ chena a ji kuwura nna na.

Nshɛ 132:2

Nyiŋi kɔnɔ nɛ e daŋ nase n sa fo, Enyɛnpetale Ebɔrɛ nɛ an nananyɛn Jeekɔb daŋ shuŋ dra dra na:

Nshɛ 22:22

Meeŋ kaŋɛ ma basa kusɔ nɛ fo wora; nseŋ yili fo basa nɛ b shɛr to n fur fo.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Nfabel 2:1

Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.

Ashuŋ Shunso 7:49

‘Ebɔrɛso e la ma kuwurjiakpa nɛ kasawule so la ma aya be kusɔ yiliso so. Nɛ nuso be ebu nɛ menyeeŋ pɔr n sa ma? Nnɛ nɛ meeŋ baa wɔ a wushi?

Ditɛronɔmi 17:15

Nɛ k kaŋ ba loŋ, men lara esa nɛ Enyɛnpe Ebɔrɛ na gbagba lara nɛ e ki menyi be ewura na. Mo alɛ daga fanɛ e baa la menyi to be esa gbagba, mannɛ efɔ.

Ditɛronɔmi 17:20

Kumo alɛ be loŋ beeŋ naŋ shin nɛ ewura na e sa maa fɛ fanɛ e bɔ mo braana Israɛlebi na be ekama nseŋ naŋ shin nɛ e sa maŋ kini kewora Enyɛnpe Ebɔrɛ na be mbraana kasonu. Aloŋ e naaŋ shin nɛ mo nɛ mbe kaman to ebi e ji kuwura na n chɛr ashi Israɛl be efuli so.