1 Kronikɛls 27:25 - EBƆRƐ BE KAWƆL

^25-31 Basa nɛ b daa keni ewurkpa be asɔ so na nde: Adiɛl pibinyɛn Asmavɛf e daa keni ewurkpa be ebuana nɛ baa ta ewura gbagba be asɔ a yili to na so. Uziya pibinyɛn Jonatan e daa keni asɔ be ebuana nɛ a wɔ ndekarso nɛ ndegboŋ to na nɛ atempreŋ jeŋgreŋ nɛ bekumpo bee yili so na kikɛ so. Chɛlub pibinyɛn Ezri e daa keni basa nɛ baa shuŋ ewura be ndɔ to na so. Shimei nɛ e shi Rama na e daa keni asɔrso nɛ baa tre greep na be kudɔ so. Zabdi nɛ mo alɛ shi Shefam na e daa keni greep be asɔrso na be asɔnuuso so. Baal Haanan nɛ e la Gɛda be esa na e daa keni ndibi nɛ baa tre ɔlif nɛ sikamɔɔ nɛ a wɔ epeŋitɔrkpa be kaba so be abee be efuli so na so. Jɔash e daa keni kakpa nɛ baa yili ɔlif be ŋku na so. Shatai nɛ e shi Sharɔn na e daa keni ana nɛ b wɔ ndoŋ be keplasawule so na so. Adlai pibinyɛn Shafat malɛ e daa keni ana nɛ b wɔ kebeemase na so. Obil nɛ e la Ishmaɛl be kanaŋ to be esa na e daa keni bumo be enyɔma so. Jedaya nɛ e shi Mɛrinɔf na e daa keni bumo be ekurma so. Jaaziz nɛ e la Hag be esa na e daa keni bumo be mbolpɔ nɛ mboe so.

1 Kronikɛls 27:25 ပူးပေါင်းရင်းမြစ်များ

Jɛnesis 41:48

nɛ Josɛf chala ajibiana nɛ b daŋ yili fanɛ b sɔ nfɛ lela na to na kikɛ nyam n yili n yili ndegboŋana na to kikɛ. Kadegboŋ kama to ajibi nɛ b daa dɔ ndoŋ be kaba so nɛ e daŋ chala n yili ndoŋ. Ajibi nɛ e daŋ chala na daa deŋ abar so nna fanɛ teku ase be leele.

2 Bewura 18:15

Ndoŋ nna nɛ Ewura Hɛzekaya shin nɛ b ta gbiti nɛ a wɔ Enyɛnpe Ebɔrɛ be bɔrɛlambu to nɛ mbe laŋ to be kpanjawu to na n ya sa mo.

1 Kronikɛls 27:24

Jɔab nɛ mo nio daa la Zeruwa na, e daŋ fara a karga bumo ama e maŋ tiŋ n loge ŋkpal Ebɔrɛ ka daa gberge Israɛlebi kusoe ŋkpal kabasakarga na so so. Amoso b daa maŋ sibɛ kananɛ basa na sa n nase ewura Deevid be nwɔl to.

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

1 Kronikɛls 29:6

Ewura Deevid ka malga n loge na, nɛ kanaŋ kanaŋ be bejuŋkparpoana nɛ eyiri to be benimuana nɛ benapo be benimuana nɛ ekrachi nimuso kikɛ bugi ŋgbene n sa asɔ.

2 Kronikɛls 16:2

Ndoŋ nna nɛ ewura Asa shin nɛ b lara gbiti nɛ shuwa ashi bɔrɛlambu na to nɛ ewurkpa n ya sa ewura Bɛnhadad nɛ e la Siriya be ewura na ashi Damaskɔs na, nseŋ kaŋɛ mo le:

2 Kronikɛls 26:10

Mo alɛ daŋ m pɔr atempreŋ jeŋgreŋ nna ashi efuli na be kiyi to nseŋ kur edampu damta ŋkpal e ka kɔ asɔbɔya damta nɛ b wɔ epeŋitɔrkpa be kaba so be abee be efuli nɛ keplasawule so na so. Ŋkpal e ka bee sha kudɔ ga so, e daŋ leŋ basa na to nna fanɛ b baa dɔ ndibi nɛ baa tre greep na be adɔ ashi abee be efuli na so nsaa dɔ adɔjibi ndoŋ be kasawule lela na so.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Jɛremaya 41:8

Ama pɔɛŋ nɛ b mɔ bumo, basa na to be basa kudu ko daŋ kaŋɛ Ishmaɛl le nna: “Jande, sa maŋ mɔ anyi! An kɔ ayu be yiri yiri nɛ ɔlif be ŋku nɛ mushoŋ nɛ an ta ŋ ŋana kupuŋ to. Amoso e daa maŋ shin nɛ b mɔ bumo ere.