1 Kronikɛls 26:26 - EBƆRƐ BE KAWƆL

²⁶ Shelomif nɛ mo kurgepoana e daa keni ŋkɛ kama nɛ ewura Deevid nɛ kanaŋ be benimuana nɛ mbuna be bejuŋkparpoana nɛ benapo be benimuana ta m ba sa Ebɔrɛ na so.

1 Kronikɛls 26:26 ပူးပေါင်းရင်းမြစ်များ

2 Samuɛl 8:11

Ndoŋ nna nɛ ewura Deevid ta asɔ na nɛ shuwa nɛ gbiti nɛ e ya kɔ efuliana na m pɔɔ so n sɔ na m bɔɔ Ebɔrɛ enɔ fanɛ b baa ta amo a shuŋ mo.

1 Kronikɛls 18:11

Ndoŋ nna nɛ ewura Deevid ta asɔ na n ti shuwa nɛ gbiti nɛ e kɔ Edɔm nɛ Mowab nɛ Ammɔn nɛ Filisti nɛ Amalɛk be efuliana n sɔ na so m bɔɔ Ebɔrɛ enɔ.

1 Kronikɛls 22:14

N wora ania n gama asɔ damta nɛ a daga fanɛ b ta m pɔr bɔrɛlambu na abar so. Ŋ kɔ shuwa nɛ amo be egbɛ sa fanɛ kilo ŋgboŋto ŋgboŋto be ŋgboŋ asa nɛ ŋgboŋ alfa ana, nɛ gbiti nɛ amo alɛ be egbɛ sa fanɛ kilo ŋgboŋto ŋgboŋto be ŋgboŋ adesa nɛ ana, nɛ fo ta n lɔŋɛ bɔrɛlambu na. Ŋ kɔ ndibi nɛ ajembu lela nɛ danyaŋ nɛ abɛlso damta nɛ maaŋ tiŋ ŋ karga amo be egbɛ gba. Ama fo alɛ gba kraŋ beeŋ tiŋ m bishi kusɔ kama nɛ fee sha n ti so.

1 Kronikɛls 26:25

Gɛshɔm mo da Eliaza mo kurgepo e daa la Shelomif. Eliaza pibi e daa la Rehabiya, nɛ Rehabiya malɛ pibi daa la Jeshaya nɛ Jeshaya malɛ pibi daa la Joram nɛ Joram malɛ pibi daa la Zikri nɛ Zikri malɛ pibi daa la Shelomif.

1 Kronikɛls 26:27

Saŋkama nɛ b kɔ kena n sɔ asɔ, baa ta amo be alela nna m ba bɔrɛlambu na to m ba bɔɔ Ebɔrɛ enɔ.

1 Kronikɛls 28:21

Bɔrɛmatapoana nɛ Livaiebi na tea nyi ashuŋ nɛ baaŋ shuŋ bɔrɛlambu na to. Basa kama nɛ b kɔ enɔ to be kushuŋ be kenyi na gba kikɛ wora shiriya fanɛ baaŋ chɛ to n shuŋ kushuŋ na. Kusɔ kama malɛ nɛ fo kaŋɛ basa na nɛ bumo be bejuŋkparpoana fanɛ b wora, baaŋ wora.”

1 Kronikɛls 9:14

Livaiebi nɛ b daa wɔ Jerusalɛm na e la Shemaya nɛ e shi Mɛrari be kabuna nɛ mo nananyɛnana daa la Hashuub nɛ Azrikam nɛ Hashabia na; n ta Bakbakar nɛ Hɛrɛs nɛ Galaal nɛ Mika pibinyɛn Mataniya nɛ mo nananyɛnana daa la Zikri nɛ Asaf na; n ta Shemaya pibinyɛn Obadaya nɛ mo nananyɛnana daa la Galaal nɛ Jedutum na; n ta Asa pibinyɛn Bɛrekaya nɛ mo nananyɛn daa la Elkana nɛ e daa wɔ efuli nɛ k wɔ Netofa be ndekarso na.

2 Kronikɛls 23:8

Livaiebi nɛ Juda be basa na kikɛ daŋ wora kusɔ nɛ Jehowada kaŋɛ na nna. B daa maŋ sa basa nɛ b shuŋ bumo b kushuŋ kewushiachɛ n loge na ekpa fanɛ b yɔ epe amoso bumo nɛ basa nɛ b ba nɛ b ba sɔ bumo so na kikɛ daa wɔ ndoŋ nna. Amoso benapo be benimu na daŋ gbargbar basa nɛ b koso kushuŋto nɛ bumo nɛ b ba nɛ b ba sɔ bumo so na kikɛ ndoŋ nna.

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

Ɛzra 2:42

Basa nɛ b daa keni bɔrɛlambu na be mbuna so nseŋ shi Shalum nɛ Atɛ nɛ Talmɔn nɛ Akuub nɛ Hatita Shobayi be nnaŋ to na daa la basa kalfa nɛ adesa nɛ akpanu.

Nehemaya 12:45

Bɔrɛmatapoana na nɛ Livaiebi na be kushuŋ daŋ bɔlɔ ekama kenishi jemanɛ nɛ b daŋ wora edaŋkaresheŋ nɛ a shin nɛ basa na nyalɛ so nseŋ tiŋ n nya m bunyaŋ Ebɔrɛ na nna. Beshɛbompoana na nɛ bɔrɛlambu na to be bekumpo na daŋ shuŋ bumo be ashuŋ nɛnɛ nna fanɛ kananɛ ewura Deevid nɛ mo pibinyɛn ewura Sɔlɔmɔn daŋ yili kumo n sa bumo na.