1 Kronikɛls 25:8 - EBƆRƐ BE KAWƆL

⁸ B daa to beri nna a lara ekama be kushuŋ a sa mo. K maŋ tir fanɛ fo la kebia ŋko enimu ŋko eŋinipo ŋko ekoyapo.

1 Kronikɛls 25:8 ပူးပေါင်းရင်းမြစ်များ

1 Kronikɛls 15:22

Ŋkpal Chɛnanaya ka daa kɔ nshɛ be keboŋ be kakɛ so, mo nɛ b daŋ lara fanɛ e baa la Livaiebi na be beshɛbompo be ejuŋkparpo.

1 Kronikɛls 24:31

Kabuna kikɛ be enimu nɛ mo sipo daŋ to beri nna m bishi Ebɔrɛ be nfɛra a laŋɛ kushuŋ nɛ baaŋ baa shuŋ be kaplɛa so, fanɛ kananɛ bumo kurgepoana, bɔrɛmatapoana nɛ b shi Ɛɛrɔn be kanaŋ to daŋ wora na. Ewura Deevid nɛ Zadɔk nɛ Ahimɛlɛk nɛ bɔrɛmatapoana nɛ b shi Livai be kanaŋ to na be anishito nɛ b daŋ wora loŋ.

1 Kronikɛls 24:5

Ŋkpal bɔrɛlambu na to be beshumpo nɛ bɔrɛmatapoana ka daa wɔ Eliaza nɛ Itama kikɛ be kaman to ebi to na so, b daa to beeri nna a fin Ebɔrɛ be nfɛra pɔɛŋ nsaa barga bumo be ashuŋ to.

1 Kronikɛls 25:2

Asaf e daa juŋkpar mbe mbinyɛnsobi ana nɛ baa laŋ alaŋsɔ nsaa boŋ nshɛ saŋkama nɛ ewura na bee sha kashɛ be kenu. Bumo e daa la Zakuur nɛ Josɛf nɛ Netaniya nɛ Asharila.

1 Kronikɛls 25:9

B daŋ barga benyɛn alfa anyɔ nɛ aduburwa nɛ aburwa na to ntuŋ adunyɔ nɛ ana nna nɛ katuŋ kama to la basa kuduanyɔ nsaa kɔ kumo be ejuŋkparpo. Katuŋ kama be ejuŋkparpo be ketre nɛ b daŋ ta n nase kumo, nɛ baa shuŋ bumo be ashuŋ kebɛso kebɛso le. Josɛf be katuŋ e juŋkpar nseŋ ta Gɛdaliya nɛ Zakuur nɛ Zeeri nɛ Netaniya nɛ Buukiya nɛ Asarila nɛ Jeshaya nɛ Mataniya nɛ Shimei nɛ Uziɛl nɛ Hashabia nɛ Shebuwɛl nɛ Matatiya nɛ Jerimɔf nɛ Hananiya nɛ Joshbekasha nɛ Hanani nɛ Malooti nɛ Eliata nɛ Hotiir nɛ Gidalti nɛ Mahaziɔf nɛ Romamti Eza be ntuŋana m bɛso.

1 Kronikɛls 26:13

Kanaŋ kama daa to beri nna a pin kabuna nɛ baaŋ baa keni so. K maŋ tir kananɛ kanaŋ na sa.

1 Kronikɛls 26:16

Shuupim nɛ Hoosa nɛ b daŋ ta epeŋitɔrkpa be kabuna na nɛ Shalekɛf be kabuna nɛ k wɔ esoso be kubɔrbi na ase na n sa nɛ baa keni so. B daŋ barga kushuŋ na to nna n sa bekumpo na nɛ baa shuŋ kumo kebɛso kebɛso.

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

Nehemaya 12:24

Hashabia nɛ Sherebia nɛ Kadmɛl pibinyɛn Joshuwa nɛ Binui nɛ basa nɛ baa sɔ bumo so a boŋ nshɛ na e daŋ juŋkpar Livaiebi na be ntuŋ anyɔ m boŋ kapandi be nshɛ m maŋkura Ebɔrɛ fanɛ kananɛ Ebɔrɛ be kayɛrbi ewura Deevid daŋ yili kumo na.

Aŋasa 16:33

Basa bee kaa bishiso nna a fin kananɛ baaŋ wora asheŋ, ama Enyɛnpe Ebɔrɛ nawule e naa yili kusɔ kikɛ.

Levitikɔs 16:8

Ndoŋ nɛ meeŋ ŋini mo kusɔ nɛ e beeŋ wora. E beeŋ ta ajembu anyɔ n to beri n lara mboe anyɔ na to be kumo nɛ k beeŋ baa la Enyɛnpe Ebɔrɛ na peya nɛ kumo nɛ baaŋ yige n lɛ kupuŋ to nɛ k baa yɔ na.

Ashuŋ Shunso 1:26

Kumo be kaman nɛ b to beri nɛ Matayas ji. Ndoŋ nna nɛ b shin nɛ e ti beshuŋipo kudukako na so.